ءماجىلىس ءتوراعاسى نازىك جانداردى 8 -ناۋرىزبەن قۇتتىقتادى

استانا. قازاقپارات - ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين ەلىمىزدەگى نازىك جانداردى 8 -ناۋرىزبەن قۇتتىقتادى، دەپ حابارلايدى قازاقپارات.

«الدىمىزدا «8 -ناۋرىز - حالىقارالىق ايەلدەر كۇنى» كەلە جاتىر. بۇل كوكتەمنىڭ ەڭ ادەمى، ەڭ كورىكتى، ەرەكشە مەرەكەلەرىنىڭ ءبىرى. سوندىقتان اياۋلى ارىپتەستەرىمىزدى ەرتەڭ بولاتىن، كوكتەمدەگى وسى مەرەكەمەن شىن جۇرەكتەن قۇتتىقتايمىن. سىزدەرگە زور دەنساۋلىق، باقىت، قۋانىش، جۇمىستارىڭىزعا تابىس تىلەيمىز»، - دەدى ن. نىعماتۋلين ءماجىلىستىڭ جالپى وتىرىسىندا.

سونىمەن قاتار جالپى وتىرىس بارىسىندا ەكى زاڭ جوباسى بويىنشا بايانداما جاساعان ق ر سىرتقى ىستەر ءمينيسترى قايرات ءابدىراحمانوۆ تا ءوز قۇتتىقتاۋىن جەتكىزدى.

«وسى ورايلى ءساتتى پايدالانا وتىرىپ، ايەلدەر مەن قىزداردى 8 -ناۋرىز - حالىقارالىق ايەلدەر كۇنىمەن قۇتتىقتاۋعا رۇقسات ەتىڭىزدەر. سىرتقى ىستەر مينيسترلىگى ۇجىمىنىڭ اتىنان بارشالارىڭىزدى شىن جۇرەكتەن قۇتتىقتايمىز. وسى مەرەكە قۋانىش پەن شاتتىق سىيلاسىن دەپ تىلەيمىن»، - دەدى ق. ءابدىراحمانوۆ.

ايتا كەتەيىك، بۇگىن ماجىلىستەگى جالپى وتىرىستىڭ الدىندا باسپا ءسوز قىزمەتىنىڭ وكىلدەرى نازىك جاندى تىلشىلەردىڭ بارلىعىنا گۇل سىيلادى.