الەمدە ەڭ كوپ وقىلاتىن 8 تۋىندى
وسى قالىپپەن جازۋشى الەم الاڭىندا ۇلكەن مارتەبەگە يە بولعان. وقىرمان قاۋىم جازۋشى رومانىن ءالى كۇنگە دەيىن ءسۇيىپ وقيدى. جازۋشىنىڭ ەڭ اتاقتى رومانى - «شەبەر مەن مارگاريتا» كىتابى. ميحايل بۋلگاكوۆ بۇل شىعارمانى جازۋ ءۇشىن ون ءبىر جىلىن سارپ ەتكەن. ول ءومىرىنىڭ سوڭىنا دەيىن وسى شىعارماسىنا ءار ءتۇرلى وزگەرىس پەن تولىقتىرۋدى ەنگىزىپ وتىرعان. الايدا، رومان اراعا وتىز جىل سالىپ قانا جارىققا شىعادى. شەبەر مەن مارگاريتا XX عاسىردا جازىلعان ەڭ ۇزدىك ورىس شىعارماسى بولىپ ەسەپتەلەدى.
2. دجەين ەير -برونتە شارلوتتا
اپكەلى برونتە شىعارماسى انگليا ەلىنىڭ مادەني مۇراسىنا كىرپىش بولىپ قالانعانى انىق. سەبەبى رومان ۇلى بريتانيا مەملەكەتى شەڭبەرىنەن شىعا ءبىلدى. جازۋشىنىڭ ەڭ تاڭداۋلى ەڭبەگى دەپ «دجەين ەير» رومانىن ايتسا بولادى. رومان اسقان شەبەرلىكپەن جانە تەرەڭ مازمۇنمەن جازىلعان. XIX عاسىردا الەم ادەبيەتىندە العان وزىنىدىك ورنى ەرەكشە. شىعارمادا ءۇي قىزمەتشىسى بولىپ جۇمىس ىستەيتىن قاراپايىم قىز تۋرالى باياندالادى. ول تاعدىر تاۋقىمەتىنە قاراماي ءوز باقىتىن الىستان ەمەس جاقىننان ىزدەۋگە تىرىسادى.
3. دوريان گرەيدىڭ پورترەتى - وسكار ۋايلد
دوريان گرەيدىڭ پورترەتى - الەمدەگى ەڭ ايگىلى رومانداردىڭ ءبىرى. ونىڭ باسىلىمى 1891-جىلى اعىلشىندار اراسىندا دۇربەلەڭ تۋدىرعان. شىعارمادا ادامگەرشىلىك تۋرالى جات قىلىقتار كوپتەپ جازىلعان دەپ سىنعا ۇشىراعان. ايتكەنمەن، بۇل تۋىندى ءوز وقىرماندارىن تاپتى. كىتاپتا اۆتور كەز كەلگەن ادامنىڭ كوكىرەگىندەگى سۇراقتاردى قويادى. مىسالى، سۇلۋلىقتىڭ قۇدىرەتى قانداي، ماحاببات دەگەنىمىز نە، ءومىردىڭ ءمانى نەدە دەگەن سەكىلدى. وسكار ۋايلد شىعارماسى ەكرانعا 25 مارتە شىققان.
4. كىشكەنتاي حانزادا - انتۋان دە سەنت-ەكزيۋپەري
«كىشكەنتاي حانزادا» انتۋان دە سەنت-ەكزيۋپەريدىڭ ەڭ تانىمال ەڭبەگى بولىپ سانالادى. ەرتەگى تاڭعاجايىپ قۇبىلىستارعا تولى. شىعارمادا دوستىق پەن ماحاببات، مىندەت پەن ادالدىق، سۇلۋلىق پەن زۇلىم كۇشكە شىدامسىزدىق سەكىلدى تاربيەلىك ماعىناسى مول دۇنيەلەر جاقسى باياندالعان. فرانسۋز جازۋشىسى ءوز ءسوزىنىڭ بىرىندە «ءبىز بارلىعىمىز بالالىق شاقتان كەلگەنبىز» دەگەن قاناتتى سوزىمەن وقىرماندى ودان بەتەر قىزىقتىردى.
5. قارا بيداي اراسىنداعى قۇردىم-دجەر د. سەليندجەر
كلاسسيكالىق جازۋشى مانسابى ەندى ورگە شىققان كەزىندە ادەبيەتپەن قوش ايتىسۋدى ءجون كورگەن. كەيىننەن اۆتور بارلىعىن تاستاپ، امەريكانىڭ تۇكپىرىنە كەتەدى. جازۋشىنىڭ «قارا بيداي اراسىنداعى قۇردىم» اتتى جالعىز رومانى الەم ادەبيەتىندە تۇپكىلىكتى وزگەرىس جاسادى. كىتاپتىڭ اتى مەن روماننىڭ باستى كەيىپكەرى حولدەن كولفيلد ءوز ەسىمىنىڭ ارتىنان كوپ نارسە جاسىرادى.
6. تاكاپپارلىق جانە جالعان سەنىم - دجەين وستين
كوپشىلىك وقىرمانعا تانىس اعىلشىن جازۋشىسى دجەين وستين شىعارماسىن ۆ. سكوتت، ۆ. ۆۋلف، س. موەم، د. ب. پريستلي، ر. ولدينگتون ەسىمدى اتاقتى لاۋازىم يەلەرى ءسۇيىپ وقىعان. ول «تاكاپپارلىق جانە جالعان سەنىم»، «مەنسفيلد ساياباعى»، «ەمما»، «نورتەنگەر ابباتتىعى» سەكىلدى كىتاپتار جازعان. سونىڭ ىشىندە جازۋشىعا ۇلكەن جەتىستىك الىپ بەرگەن «تاكاپپارلىق جانە جالعان سەنىم» رومانى بولدى. بۇل رومان جايلى 1980 مەن 1995-جىلدارى سەريالدار مەن كينو تۇسىرىلگەن. 2005-جىلى كيرا نايتليدىڭ سومداۋىمەن تولىق مەتراجدى كينو شىققان.
7. جەلمەن عايىپ بولعاندار - مارگارەت ميتچەلل
جەلمەن عايىپ بولعاندار - ا ق ش ەلىنىڭ ازامات سوعىسى جايلى ۇلى رومان. ول العاش رەت وسىدان 70 جىل بۇرىن باسىلعان. الايدا، كىتاپ وسى كۇنگە دەيىن وقىرمانىن ەش جوعالتپادى. بۇل - مارگارەت ميتچەللدىڭ وسى شىعارماسى ءۇشىن پۋليتتسەر سىيلىعىن العان جالعىز رومانى. كىتاپتا ومىرگە دەگەن سەزىمنىڭ ماحابباتتان گورى ماڭىزدى بولاتىن كەزدەرى بارىن ايتادى.
8. فارەنگەيت بويىنشا 451 گرادۋس - رەي برەدبەري
بۇل - رەي دۋگلاسكە اتاق پەن ابىروي الىپ كەلگەن كىتاپ. كىتاپتا اعىن سۋ ءوز ارناسىمەن ەمەس، كەرى باعىتتا اقسا، كۇندى شىعىستان ەمەس باتىستان شىعاتىنداي ەتىپ كورسەتەدى. قوعامدىق-مورالدىق شەكتەۋلەرگە تىيىم سالىنباسا نە بولاتىنىن ايشىقتايدى. «فارەنگەيت بويىنشا 451 گرادۋس» كىتابىندا وسى انتيۋتوپيا جايىندا ايتىلادى.
massaget.kz