ۇلتتىق بانكتىڭ التىن- ۆاليۋتا رەزەرۆى 89 ميلليارد دوللاردان استى

نۇر- سۇلتان. قازاقپارات - قازاقستاننىڭ حالىقارالىق رەزەرۆى 89 ميلليارد دوللاردان اسىپ جىعىلدى. بۇل تۋرالى بۇگىن ۇكىمەت وتىرىسىندا ق ر ۇلتتىق بانكى ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.

«ۇلتتىق بانكتىڭ التىن- ۆاليۋتا رەزەرۆتەرى 1 - قاراشادا الدىن الا دەرەكتەر بويىنشا 29,5 ميلليارد دوللار بولدى. ساۋىردەن باستاپ التىن- ۆاليۋتا اكتيۆتەرىنىڭ ءوسۋى بايقالادى. قازاندا ولاردىڭ كولەمى 2,4 پايىزعا نەمەسە 704,9 ميلليون دوللارعا ۇلعايدى»، - دەدى ەربولات دوسايەۆ.

ونىڭ اتاپ وتۋىنشە، بۇعان كليەنتتەردىڭ ۇلتتىق بانكتەگى شوتتاردا شەتەل ۆاليۋتاسىنداعى قالدىقتاردىڭ ۇلعايۋى، التىن ساتىپ الۋ وپەراتسيالارى جانە وعان الەمدىك باعا بەلگىلەنىمىنىڭ ءوسۋى ىقپال ەتتى.

«ۇلتتىق قوردىڭ شەتەل ۆاليۋتاسىنداعى اكتيۆتەرى قازاندا الدىن الا دەرەكتەر بويىنشا 0,9 پايىزعا 59,9 ميلليارد دوللارعا دەيىن ۇلعايدى. ەلدىڭ حالىقارالىق رەزەرۆتەرى قازان سوڭىندا 89,4 ميلليارد دوللاردى قۇرادى»، - دەدى ۇ ب ءتوراعاسى.

اۆتور: مارلان جيەمباي