شەت ەلدەردە 88 قازاق ءتىلدى ب ا ق جۇمىس جاساپ جاتىر

None
None
نۇر- سۇلتان. قازاقپارات - «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ شەتەلدەگى قازاق ءتىلدى ب ا ق- تى قولداۋ ماسەلەلەرىن كوتەردى، دەپ حابارلايدى قازاقپارات ءتىلشىسى.

«2020 -جىلعى قاڭتاردان جەلتوقسان ايىنا دەيىن «شەتەلدىك جانە قازاقستان رەسپۋبليكاسىنا كوشىپ كەلگەن ەتنيكالىق قازاقتاردى قولداۋدى قامتاماسىز ەتۋ قىزمەتتەرى» اياسىندا ق ر اقپارات جانە قوعامدىق دامۋ مينيسترلىگىنىڭ مەملەكەتتىك تاپسىرماسى ورىندالدى. زەرتتەۋ اياسىندا جالپى 11 مەملەكەتتەگى 88 قازاق ءتىلدى ب ا ق پەن قانداستارىمىز قولداناتىن الەۋمەتتىك جەلىدەگى توپتاردىڭ دەرەكقور بازاسى جاسالدى. سونىڭ ىشىندە 14 گازەت، 14 جۋرنال، 5 تەلەارنا، 11 سايت، 5 راديو، الەۋمەتتىك جەلىدە 39 توپتىق پاراقشالار بار. بيىل وسى شەتەلدەگى قازاق ءتىلدى ب ا ق بىرلەستىگىن قۇرۋدى جوسپارلاپ وتىرمىز»، - دەدى م. سارباسوۆ وتانداستار قورى جانىنداعى قوعامدىق كوميسسيا وتىرىسىندا.

وسى اقپارات قۇرالدارىندا جاريالانعان ماتەريالدارعا مونيتورينگ جاساپ، سارالاۋ ناتيجەسىندە ءبىرقاتار وزەكتى ماسەلەلەر انىقتالعان.

«كورشىلەس الىس- جاقىن شەت مەملەكەتتەردە قارجى تاپشىلىعى سالدارىنان ءداستۇرلى قازاق ءتىلدى اقپارات قۇرالدارىنىڭ (گازەت- جۋرنال، تەلەارنا، راديو) سانى ازايعان. اتاپ ايتساق، موڭعوليادا سوڭعى 4-5 جىلدان بەرى «ءبىلىم» گازەتى، ت ۆ-4 تەلەارناسى، Baiolke.com سايتى، رەسەيدە - ومبى وبلىسىنان شىعاتىن «اتا- مەكەن»، استراحاندا «اق ارنا» گازەتتەرى جابىلدى.

قارجى تاپشىلىعىن وزبەكستانداعى قازاق ءتىلدى اقپارات قۇرالدارى دا سەزىنىپ وتىر. ونداعى قانداستارىمىزدىڭ ايتۋىنشا، اۋداندىق جانە وبلىستىق گازەت- جۋرنالدار مەملەكەتتىك مەكەمە بولىپ سانالادى. ءبىراق، مەملەكەت ەسەبىنەن بولىنگەن قارجىنىڭ جەتكىلىكسىزدىگىنەن گازەت- جۋرنالدار جەكە ازاماتتاردىڭ قولداۋىمەن شىعارىلۋدا. وسىنداي تۇيىتكىلدى ماسەلەلەردى ەسكەرە وتىرىپ، ق ر سىرتقى ىستەر مينيسترلىگى ىسكە اسىراتىن ەلىمىزدى شەتەلدەرگە تانىتاتىن يميدجدىك اقپاراتتىق جوبالار باعدارلامالارى ارقىلى جىل سايىن ىرىكتەپ، 10 شەتەلدەگى قازاق ءتىلدى ب ا ق- تىڭ ءارقايسىسىنا 1 ميلليون تەڭگەدەن قارجىلاي كومەك كورسەتۋدى قولعا الۋ قاجەت دەپ ەسەپتەيمىز. وسى ۋاقىتقا دەيىن ولاردى قانداستارىمىز جەكە ءوز قارجىلارىنا شىعارىپ كەلدى. سىرتتاعى باۋىرلارىمىزدىڭ بۇل وتانسۇيگىشتىك، ەلجاندىلىق ارەكەتىنە وتىز جىلدان كەيىن قولداۋ كورسەتەتىن كەز كەلگەن سياقتى»، - دەيدى م. سارباسوۆ.

اۆتور: ايجان سەرىكجان قىزى

سوڭعى جاڭالىقتار