الماتىدا ناۋقاستارعا دۇرىس قىزمەت كورسەتپەگەن اۋرۋحانالارعا 889 ميلليون تەڭگە ايىپپۇل سالىندى
ناتيجەسىندە قالاداعى ەمدەۋ مەكەمەلەرىنە 889 ميلليون تەڭگە ايىپپۇل سالىندى. بۇل تۋرالى «الەۋمەتتىك مەديتسينالىق ساقتاندىرۋ قورى» ك ە ا ق الماتى فيليالى ءمالىم ەتتى، دەپ حابارلايدى قازاقپارات ءتىلشىسى.
مەديتسينالىق قىزمەت ساپاسىن باقىلاۋ ءبولىمىنىڭ جەتەكشىسى اسەم ماناپبايەۆانىڭ ايتۋىنشا، كەمشىلىكتىڭ باسىم بولىگىنە كونسۋلتاتيۆتىك- دياگنوستيكالىق كومەك كورسەتەتىن كلينيكالار تاراپىنان جول بەرىلگەن. جالپى، كونسۋلتاتيۆتىك- دياگنوستيكالىق كومەك بويىنشا 8 مىڭ قىزمەت ءتۇرلى كەمشىلىكپەن كورسەتىلگەن. ناتيجەسىندە 12,2 ميلليون تەڭگە قايتارىپ الىندى. اقاۋمەن كورسەتىلگەن 4,6 مىڭ قىزمەت - ستاتسيونارلار مەن ستاتسيوناردى الماستىراتىن كومەك ۇيىمدارىنا تيەسىلى. كەمشىلىكتەر ءۇشىن اتالعان كلينيكالار 870,1 ميلليون تەڭگە ايىپپۇل تولەدى. ال كەمشىلىكتەرگە جول بەرگەن ەمحانالار قورعا 7,5 ميلليون تەڭگە قايتاردى.
«مونيتورينگ بارىسىندا انىقتالعان كەمشىلىكتەردىڭ دەنى ەمدەۋ- دياگنوستيكا بارىسىندا بەلگىلەنگەن ستاندارتتاردان اۋىتقۋ، مەديتسينالىق قۇجاتتاردى دۇرىس تولتىرماۋ، قىزمەت باعاسىن نەگىزسىز ءوسىرۋ سىندى ولقىلىقتارعا كەلىپ سايادى. سونىمەن قاتار، «كورسەتىلدى» دەپ جازىلعان بەلگىلى ءبىر قىزمەت تۇرلەرىنىڭ شىن مانىندە كورسەتىلگەنىن راستاي الماعان كلينيكالار دا بار»، - دەيدى اسەم ماناپبايەۆا.
م س ق كورسەتكەن قىزمەت ساپاسىنا تۇراقتى باقىلاۋ جۇرگىزىپ وتىرادى. بۇگىندە دارىگەر كومەگىنە جۇگىنبەگەن ادامدى «قابىلداۋدا بولدى» دەپ جازۋ ماسەلەسى جۇرتشىلىق اراسىندا وزەكتى ماسەلەگە اينالعانى بەلگىلى. بيىلعى قاڭتار- مامىر ايلارى ارالىعىندا فيليال ماماندارى ازاماتتاردان تۇسكەن ارىز- شاعىمدار ناتيجەسىندە وسىنداي 71 فاكتىنى انىقتاپ، مەديتسينا ۇيىمدارىنا 1,6 ميلليون تەڭگە ايىپپۇل سالدى. سونىمەن قاتار ستاتسيونارلار مەن كۇندىزگى ستاتسيونار دەڭگەيىندە «كورسەتىلدى» دەپ تىركەلگەن 25 فاكتى بويىنشا ءتيىستى قىزمەتتىڭ كورسەتىلمەگەنى بەلگىلى بولدى. ناتيجەسىندە 13,4 ميلليون تەڭگە قورعا قايتارىلدى. قايتارىپ الىنعان قاراجات مەديتسينالىق كومەكتىڭ وزگە تۇرلەرىنە جۇمسالادى.
اۆتور: الما مۇقانوۆا