قازاقستاننىڭ حالىقارالىق قورى 88,6 ميلليارد دوللارعا دەيىن ءوستى

 استانا. قازاقپارات - الدىن الا مالىمەت بويىنشا، قازاقستاننىڭ حالىقارالىق قورىنىڭ كولەمى 2018 -جىلدىڭ جەلتوقسان ايىندا 88,628 ميلليارد ا ق ش دوللارىن قۇراعان.

 بۇل كورسەتكىش قاراشا ايىمەن سالىستىرعاندا 0,97 پايىزعا ءوسىپ، ال 2017 -جىلدىڭ جەلتوقسانىمەن سالىستىرعاندا 0,79 پايىزعا ازايدى، دەپ حابارلايدى قازاقپارات ءتىلشىسى.

ق ر ۇلتتىق بانكىنىڭ بەرگەن مالىمەتىنە قاراعاندا، قازاقستاننىڭ جالپى حالىقارالىق رەزەرۆىنىڭ كولەمى جەلتوقسان ايىندا 2,53 پايىز ءوسىپ (وتكەن جىلدىڭ باسىنان بەرى 0,28 پايىز ازايعان) ، 30,909 ميلليارد دوللاردى قۇراعان، سونىڭ ىشىندە تازا حالىقارالىق رەزەرۆ 2,56 پايىزعا ءوسىپ (-0,21 پايىز) ، 30,42 ميلليارد دوللار بولعان.

ق ر ۇلتتىق قورى اكتيۆتەرىنىڭ كولەمى 0,16 پايىزعا (-1,05 پايىز) ءوسىپ، 57,717 ميلليارد دوللاردى قۇرادى. ەركىن كونۆەرتاتسيالاناتىن ۆاليۋتاداعى اكتيۆتەردىڭ كولەمى 16,518 ميلليارد دوللاردى قۇرادى، بۇل كورسەتكىش وتكەن ايدا 0,45 پايىزعا (ال وتكەن جىلدىڭ جەلتوقسانىنان بەرى 10,71 پايىز ازايعان) وسكەن. التىن ۆاليۋتالاردىڭ كولەمى 6,17 پايىزعا (+15,15 پايىز) ءوسىپ، 14,391 ميلليارد دوللاردى قۇرادى.