بيىل اۋىل تۇرعىندارىنىڭ 87 پايىزدان استامى سۋمەن قامتاماسىز ەتىلمەك
«حالىقتى ساپالى اۋىز سۋمەن جانە سۋ بۇرۋ قىزمەتتەرىمەن قامتاماسىز ەتۋ جونىندەگى جۇمىستاردى جالعاستىرۋ ماقساتىندا 2020-2025 -جىلدارعا ارنالعان «نۇرلى جەر» مەملەكەتتىك باعدارلاماسى اياسىندا بيىل رەسپۋبليكالىق بيۋدجەتتەن 111,5 ميلليارد تەڭگە قاراستىرىلىپ وتىر. ول قاراجاتقا 316 جوبا ىسكە اسىرىلادى. ناتيجەسىندە، قالالاردا حالىقتى اۋىز سۋمەن قامتاماسىز ەتۋ كورسەتكىشى 97,5 پايىزعا جەتكىزىلەدى. بۇل تۇرعىدا 10 ميلليوننان استام ادام قامتىلادى. ال اۋىلدىق جەرلەردە اتالعان كورسەتكىش 87,7 پايىزعا دەيىن جەتىپ، 6,84 ميلليون ادامدى قامتيدى»، - دەلىنگەن ق ر ي ي د م مالىمەتىندە.
سونىمەن قاتار، قالالاردا اعىندى سۋلاردى تازارتۋمەن قامتۋ 74,9 پايىزدى قۇرايدى.
ەستەرىڭىزگە سالا كەتەيىك، وتكەن جىلى بۇل باعىتتا 404 جوبا جۇزەگە اسىرىلىپ، 4078 اۋىل سۋمەن قامتىلدى. قازىرگى ۋاقىتتا ەل بويىنشا اۋىز سۋعا قولجەتىمدىلىك كورسەتكىشى - 92,6 پايىز.
اۆتور: رۋسلان عابباسوۆ