+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

بانكتەن 87 ميلليون تەڭگە ۇرلاعان قوستانايلىق رەسەيدە ۇستالدى

21 قاراشا 12:00
:ءبولىسۋ
بانكتەن 87 ميلليون تەڭگە ۇرلاعان قوستانايلىق رەسەيدە ۇستالدى

قوستاناي. قازاقپارات - 87 ميلليون تەڭگە ۇرلاپ، قازاقستاننان قاشىپ كەتكەن «ەۋرازيالىق بانك» ا ق- نىڭ قوستاناي وبلىسى جىتىقارا قالالىق فيليالىنىڭ قىزمەتكەرى رەسەيدە ۇستالدى.

بۇل تۋرالى بۇگىن «ازاماتتاردى ءبىرىڭعاي قابىلداۋ كۇنى» شاراسى اياسىندا وتكەن بريفينگتە بەلگىلى بولدى، دەپ حابارلايدى قازاقپارات.

قوماقتى قارجى ۇرلاپ كەتكەن كۇدىكتى بيىلعى 12- قاراشادا رەسەي فەدەراتسياسىنىڭ شەكاراسىنان ءوتىپ كەتكەنىن حابارلاعان بولاتىنبىز.

وقيعادان سوڭ قىلمىستى تەرگەۋ جانە كۇدىكتىنى ۇستاۋ ءۇشىن ارنايى جەدەل-تەرگەۋ توبى قۇرىلدى.

«ىزدەۋ جۇمىستارىنا چەليابى وبلىسى بويىنشا ر ف ءى ءى م باس باسقارماسىنىڭ قىزمەتكەرلەرى قوسىلدى. كۇدىكتىنى رەسەيگە قازاقستاندىق تاكسيست الىپ بارعان. ءبىر اپتا ىشىندە رەسەيلىك ارىپتەستەرىمىز كۇدىكتىنىڭ جالعا العان پاتەرىن تاپتى. 20- قاراشا كۇنى قولعا ءتۇستى. وزىمەن بىرگە 58 ميلليون تەڭگە بولعان. ءبىر اپتا ىشىندە 30 ميلليون تەڭگە جۇمساپ ۇلگەرگەن»، - دەدى قوستاناي وبلىستىق پوليتسيا دەپارتامەنتىنىڭ باستىعى بەكەت ايماعامبەتوۆ.

الدىن الا جاۋاپ الۋ بارىسىندا ول اقشانىڭ ءبىر بولىگىن ءوزىنىڭ جانە تۋىسقاندارىنىڭ نەسيەسىن جابۋعا اۋدارعانىن راستادى. قارىز سوماسى ينتەرنەت ارقىلى تولەنگەن.

كۇدىكتىنى قوستاناي وبلىسىنا ەكستراديتسيالاۋ ماسەلەسى شەشىلۋدە. ول قازىرگى ۋاقىتتا چەليابى قالاسىنىڭ ۋاقىتشا ۇستاۋ يزولياتورىندا.

قوستاناي وبلىسى پوليتسيا دەپارتامەنتىنىڭ باستىعى بەكەت ايماعامبەتوۆ قىلمىسكەردى ۇستاۋعا كومەك كورسەتكەن رەسەيلىك ارىپتەستەرىنە العىسىن ءبىلدىردى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات