تاريحي وتانىنا ورالعان 877 قازاق قانداس مارتەبەسىن الدى

نۇر- سۇلتان. قازاقپارات - 2021 -جىلدىڭ باسىنان بەرى 800 دەن استام ەتنيكالىق قازاق قانداس مارتەبەسىن الدى، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

«1-اقپانداعى جاعداي بويىنشا 877 ادام تاريحي وتانىنا ورالىپ، قانداس مارتەبەسىن الدى. 1991 -جىلدان باستاپ رەسپۋبليكاعا بارلىعى 1 ميلليون 71,2 مىڭ ەتنيكالىق قازاق ورالدى. وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (%65,9) وزبەكستاننان،% 19,3 – ق ح ر- دان، %6,3 - تۇرىكمەنستاننان، %4,2 - موڭعوليادان جانە %4,3 - باسقا ەلدەردەن كەلگەن»، دەلىنگەن حابارلامادا.

ۆەدوستۆونىڭ مالىمەتىنشە، كەلگەن ەتنيكالىق قازاقتار نەگىزىنەن الماتى (%40,9)، ماڭعىستاۋ (%12,5) جانە تۇركىستان (%6) وبلىستارىندا، سونداي- اق نۇر- سۇلتان (%6) جانە شىمكەنت (%16,9) قالالارىنا قونىستانعان. 1-اقپانداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلاردىڭ سانى %58,7، ەڭبەككە قابىلەتتى جاسقا جەتپەگەنى %21,4 جانە زەينەتكەرلەر %19,8.