تارازدا 86 جاستاعى قاريا كوروناۆيرۋسقا شالدىققان
اۋىرعانداردىڭ ءبىرى - 1999 -جىلى تۋعان شىمكەنت قالاسىنىڭ تۇرعىنى. ازاماتشا 3 - ساۋىردە دەلي- تاراز رەيسىمەن كەلگەن. اتالعان رەيستىڭ بارلىق جولاۋشىلارى ۇشۋ جولاعىنان بىردەن ارنايى اۆتوبۋستارعا وتىرعىزىلىپ، مەديتسينالىق جانە پوليتسيا قىزمەتكەرلەرىنىڭ ىلەسىپ جۇرۋىمەن كارانتيندىك ستاتسيونارعا جاتقىزىلدى.
مەديتسينالىق مەكەمەدە ولاردان 14 كۇن بويى تالداۋ الىنادى. سونداي- اق، تاراز قالاسىنىڭ 59 جاستاعى تۇرعىنىنان ينفەكسياعا الىنعان تالداۋ وڭ ناتيجە كورسەتتى. ول بۇعان دەيىن اۋىرعان ناۋقاسپەن بايلانىستا بولعان. ونىمەن قارىم- قاتىناستا بولعان 24 ادام انىقتالىپ، كارانتينگە جاتقىزىلدى. ءۇشىنشى ناۋقاس - وبلىس ورتالىعىنىڭ 86 جاستاعى تۇرعىنى. ەپيدەميولوگيالىق تەكسەرۋ بارىسىندا ونىڭ 17- ناۋرىز كۇنى الماتىدان كەلگەن جاقىن تۋىسىمەن بايلانىستا بولعانى بەلگىلى بولدى. ناۋقاسپەن قارىم- قاتىناستا بولعان 5 تۇلعا انىقتالىپ، كارانتينگە جاتقىزىلدى.
سونداي- اق، مەركى اۋدانىنىڭ 1990 جانە 1998 -جىلى تۋعان ەكى تۇرعىنىنىڭ تالداۋ قورىتىندالارى وڭ ناتيجە كورسەتكەن. ولارمەن بايلانىستا بولعان 17 تۇلعا كارانتيندىك ستاتسيونارعا ورنالاستىرىلىپ، وقشاۋلاندى. بۇگىندە بايلانىستا بولعان ادامداردى انىقتاۋ، ولاردى كارانتيندىك ستاتسيونارعا ورنالاستىرۋ، زەرتحانالىق زەرتتەۋ ءۇشىن تالداۋلار الۋ بويىنشا جۇمىستار جۇرگىزىلۋدە. سانيتارلىق- ەپيدەميالىق قىزمەتتەر ولاردىڭ تۇرعىلىقتى جانە بارعان جەرلەرى بويىنشا دەزينفەكسيالىق وڭدەۋ شارالارىن جۇرگىزدى.
قازىرگى تاڭدا جالپى وبلىس بويىنشا كوروناۆيرۋستىڭ 40 جاعدايى تىركەلگەن. ونىڭ ىشىندە 11 ادام شەكارالىق وتكىزۋ پۋنكتتەرىن كەسىپ ءوتۋ كەزىندە، 6 جولاۋشى دەلي رەيسىنەن انىقتالعان. تارازدا - 5 وقيعا، قورداي اۋدانىندا – 14، مەركى اۋدانىندا – 2، شۋ جانە جامبىل اۋدانىندا ءبىر- بىردەن تىركەلگەن.
اۆتور: قاجى مۇرات