ەلورداداعى مەكتەپ مۇعالىمدەرىنىڭ %85 ۆاكسينا الدى
بۇل تۋرالى نۇر-سۇلتان قالاسىنىڭ اكىمى التاي كولگىنوۆ جەلىدەگى پاراقشاسىندا جازدى، دەپ حابارلايدى قازاقپارات.
«قىركۇيەك ايىندا مەكتەپتەردى قالىپتى وقىتۋ فورماتىنا كوشىرۋ ءۇشىن مۇعالىمدەردى دە، وزگە دە مەكتەپ قىزمەتكەرلەرىن ۆاكسيناتسيالاۋ قاجەت. بۇل دەنساۋلىقتى قورعاۋعا، ينفەكسيانى توقتاتۋعا جانە كوروناۆيرۋستىڭ جاپپاي تارالۋىن شەكتەۋگە كومەكتەسەدى. قازىرگى ۋاقىتتا مەكتەپ مۇعالىمدەرىنىڭ %85 ۆاكسيناتسيالاندى.
مىسالى، 3№، 7№، 13№، 21№، 33№، 34№، 39№، 46№، 81№ مەكتەپ-گيمنازيالارى %100 يممۋنداۋدان ءوتتى. پەداگوگتاردىڭ بارىنشا جاۋاپكەرشىلىك تانىتقانى قۋانتادى. دەگەنمەن، ءبىرقاتار وقۋ ورنىندا ۆاكسيناتسيالانعاندار پايىزى ءالى دە تومەن. مۇعالىمدەرمەن (مەكتەپتەر/كوللەدجدەر) ونلاين رەجيمدە جاڭا وقۋ جىلىنا دايىندىق ماسەلەلەرى تالقىلاندى»، - دەدى اكىم.
سونىمەن قاتار اكىم سوڭعى كۇندەرى قالادا ينفەكسيا جۇقتىرعاندار سانىنىڭ وسكەنى تۋرالى جازدى.
«سوڭعى كۇندەرى قالامىزدا ينفەكسيا جۇقتىرعاندار سانى ارتۋدا. قوسىمشا جۇقپالى اۋرۋلار ستاتسيونارلارىن اشىپ جاتىرمىز. تاۋلىك سايىن 300 گە جۋىق ناۋقاس اۋرۋحاناعا جاتقىزىلادى. دارىگەرلەر اتاپ وتكەندەي ينفەكسيا جۇقتىرعاندار قاتارى كوروناۆيرۋستىڭ جاڭا شتاممىنىڭ پايدا بولۋىنا، ياعني «دەلتا شتاممىنا» (ءۇندى شتاممى دەگەن اتاۋمەن بەلگىلى) بايلانىستى بولىپ وتىر. بۇل — كوروناۆيرۋستىڭ اسا قاۋىپتى ءتۇرى، جىلدام تارالىپ، تەز جۇعادى.
قالادا 100 ۆاكسيناتسيالاۋ پۋنكتى جۇمىس ىستەيدى، سونداي-اق ەگۋ ورىندارى س و و- لاردا، س ءۇ- لەردە جانە ت. ب. ورىنداردا بار. قازىر 286 مىڭعا جۋىق ادام ۆاكسيناتسيالاندى. سوڭعى اپتالاردا ۆاكسينا العىسى كەلەتىندەر سانى 7 ەسەگە دەيىن ءوستى. بۇل ءبىزدى قاتتى قۋانتادى. ءوز دەنساۋلىعىڭىزدى جانە اينالاڭىزداعى ادامداردىڭ دەنساۋلىعىن قورعاۋ ءۇشىن ۆاكسينا الۋ قاجەت. وسىلايشا ۇجىمدىق يممۋنيتەت قالىپتاسادى. ۆاكسيناتسيا — قورعانۋدىڭ جالعىز جولى»، - دەپ تولىقتىردى اكىم.