ەڭبەك ءمينيسترى مالىمدەمەسى: 85 مىڭ تەڭگە كىمگە تولەنەدى؟
مينيستر ءوز وڭىرلەرىنە قايتقان ازاماتتار جاڭا جول كارتاسى ارقىلى وڭىرلەرىندە جاڭا جۇمىسپەن قامتىلاتىنىن ايتتى.
ەل پرەزيدەنتىنىڭ تاعى ءبىر تاپسىرماسى جۇمىسپەن قامتۋ كارتاسىنا قاتىستى. مينيستر ەلىمىزدە جاڭا جۇمىسپەن قامتۋ كارتاسى ازىرلەنىپ، وعان 1 تريلليون قاراجات بولىنگەنىن اتاپ ءوتتى.
«سول قاراجاتتىڭ ەسەبىنەن ەلىمىزدە 7 مىڭنان استام جوبالار ىسكە اسىرىلادى. 240 مىڭانان استام جۇمىس ورىندارى بولادى. كەشە پرەزيدەنت وسى «نۇر-سۇلتان قالاسىنا، الماتى قالاسىنا، شىمكەنت قالاسىنا شەتتەن، وڭىردەن كەلگەن جاستار قالانىڭ سىرتىندا، قالاعا كىرە الماي جۇمىسسىز قالدى» دەگەن ماسەلەگە ەرەكشە كوڭىل ءبولدى.
پرەزيدەنتتىڭ تاپسىرماسى بويىنشا ءوز وڭىرلەرىڭىزگە قايتىپ جۇمىسپەن قامتۋ كارتاسىنداعى جوبالارعا قاتىساتىن بولساڭىزدار سىزدەرگە جاڭا جۇمىسقا كىرىسكەن كۇنى كوتەرمە وتەماقى 85 مىڭ تەڭگە كولەمىندە تولەنەتىن بولادى.
ول جالاقىعا قوسىلمايدى. كوتەرمە كىرىسپە اقى. ودان كەيىن جۇمىسىڭىزدى باستاپ اي سايىنعى جالاقىڭىزدى الاسىز.
جول كارتاسى بويىنشا جالاقىڭىز دا 85 مىڭنان تومەن بولمايدى. بۇل جونىندە ءتيىستى ماماندار، اكىمدەر سىزدەردى كۇتەدى. تاپسىرما بارلىق وڭىرلەرگە بەرىلدى. جۇمىسپەن قامتۋ كارتاسىنا جۇمىسپەن قامتۋ ورتالىقتارى ارقىلى شاقىرىلاسىزدار. سوندىقتان، جاستار، ازاماتتار ءوز وڭىرلەرىڭىزگە قايتقان بولساڭىزدار جۇمىسپەن قامتۋ كارتاسى ارقىلى وسىنداي ۇسىنىستار سىزدەرگە ۇسىنىلادى»، - دەدى مينيستر ءبىرجان نۇرىمبەتوۆ.
ايتا كەتەيىك، بۇعان دەيىن پرەزيدەنت قاسىم-جومارت توقايەۆ 42,5 مىڭ تەڭگە كولەمىندە الەۋمەتتىك كومەككە جۇگىنە الاتىن ادامداردىڭ ءتىزىمىن كەڭەيتۋدى تاپسىرعان بولاتىن.
ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ كوروناۆيرۋسقا بايلانىستى توتەنشە جاعدايدا 42,5 مىڭ تەڭگەنى كىمدەر الاتىنىن اتاپ ءوتتى.
Massaget.kz