+7 (701) 759 90 19 Лента
10 °С : استانا
19 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

بيىل «قازاق ادەبيەتى» گازەتىنە 85 جىل تولدى

13 قاڭتار 16:21 406
:ءبولىسۋ
بيىل «قازاق ادەبيەتى» گازەتىنە 85 جىل تولدى

استانا. قازاقپارات - 10- قاڭتار كۇنى ەلىمىزدىڭ ادەبيەت، مادەنيەت جانە ونەر باسىلىمى - «قازاق ادەبيەتى» گازەتىنىڭ شىعا باستاعانىنا 85 جىل تولدى.

گازەت ءار اپتا سايىن، جۇما كۇنى شىعادى.

«قازاق ادەبيەتى» گازەتىنىڭ العاشقى سانى 1934-جىلى 10-قاڭتاردا جارىق كورگەن. گازەتتىڭ العاشقى سانىندا «قازاق ادەبيەتى» - ۇلت مادەنيەتىن كوتەرۋدە ۇلكەن ورىن السىن» دەگەن ءسوز بەتاشار رەتىندە ۇلكەن ارىپتەرمەن تەرىلدى.

العاشقى سانىنان-اق گازەتتىڭ ماقساتى وسىلاي ايقىندالدى. العاشقى باس رەداكتور - عابيت مۇسىرەپوۆ، جاۋاپتى حاتشى - مۇحامەدجان قاراتايەۆ بولدى.

العاشقى جىلدارى گازەتتىڭ بەلگىلى ءبىر رەتپەن شىعاتىن جۇيەسى قالىپتاسپادى. ءار جىلداعى سانى ءارقالاي شىعىپ تۇردى. گازەتتىڭ تارالىمى العاشقى جىلدارى 1-3 مىڭ كولەمىندە بولسا، 1935-جىلى 3500 گە جەتتى.

1940-54-جىلدارى گازەتتىڭ شىعۋى توقتاپ، 15 جىلدىق ۇزىلىستەن كەيىن 1955-جىلدىڭ قاڭتار ايىندا شىعا باستادى.

قايتا جارىق كورگەن باسىلىمنىڭ باس رەداكتورى سىرباي ماۋلەنوۆ بولدى. وسى جىلى گازەتتىڭ 51 سانى جارىققا شىقسا، 1956-جىلدان باستاپ اپتاسىنا ءبىر رەت، جىلىنا 52 سانى باسىلىپ شىعاتىن بەلگىلى ءبىر جۇيە قالىپتاستى.

قازاق ادەبيەتىن دامىتۋ جونىندەگى جەمىستى جۇمىسى ءۇشىن باسىلىم 1984-جىلى، ءوزىنىڭ 50 جىلدىق مەرەيتويىندا «حالىقتار دوستىعى» وردەنىمەن ماراپاتتالعان.

«قازاق ادەبيەتى» - ۇلتىمىزدىڭ رۋحاني ايناسى، ەلىمىزدىڭ ادەبي ءھام مادەني ءومىرىن جان- جاقتى قامتيتىن باسىلىم.

اپتالىق ونەر سۇيگىش وقىرمان قاۋىمنىڭ ەستەتيكالىق تالعامىن تاربيەلەۋدە ەلەۋلى ءرول اتقاردى. گازەت قازاق ادەبيەتىنىڭ جوعارى يدەيالىق كوركەمدىك ساپاسىن ارتتىرىپ، كوركەم ونەردىڭ ءومىردى تانىتۋشىلىق ءرولى مەن ەستەتيكالىق-تاربيەلىك ءمانىن ارتتىرۋ ءۇشىن كۇرەسەدى.

ادەبيەتتە پەن ونەردىڭ حالىق ومىرىمەن تىعىز بايلانىستا بولۋىنا كومەكتەسەدى. گازەت بەتتەرىندە قازاق اقىن جازۋشىلارىنىڭ ولەڭ، جىر، داستاندارى، اڭگىمە، وچەركتەرى، رومان، پوۆەستەرىنەن ۇزىندىلەر، بايىرعى مادەني قازىنامىزدىڭ ەل اۋزىندا جۇرگەن اسىل ۇلگىلەرى، كونە تاريحىمىزعا قاتىستى دەرەكتەر مەن ارحەولوگيالىق-ەتنوگرافيالىق مۇرالار، قازاق ادەبيەتىنىڭ وتكەنى مەن بۇگىنى جانە كەلەشەگى جايلى بايىپتى ادەبي-سىن ماقالالار؛ ەلدىك ەلەۋلى ماسەلەلەر - قوعامدىق- ساياسي، الەۋمەتتىك-مادەني وقيعالار جونىندە پۋبليتسيستىك وتكىر وي-تولعاۋلار، دۇنيە ءجۇزى كلاسسيكتەرىنىڭ ۇزدىك تۋىندىلارىنان اۋدارمالار جاريالانادى.

سونىمەن بىرگە، وقۋ- اعارتۋ، ءبىلىم، عىلىم سالاسىنداعى ءارالۋان كوكەيكەستى ماسەلەلەردى ءسوز ەتەدى.

كينو، تەاتر، سىمبات، قولونەرىنىڭ كەلەلى تاقىرىپتارىن كەڭىنەن تولعاپ، بەلگىلى ادەبيەت، ونەر قايراتكەرلەرىمەن سۇحبات جۇرگىزىپ، ولاردىڭ جاڭا شىعارماشىلىق تۋىندىلارىن وقىرماندارعا تانىستىرىپ وتىرادى. گازەتتىڭ قۇرىلتايشىسى - قازاقستان جازۋشىلار وداعى.

رەداكتور كەڭەسىنىڭ ءتوراعاسى - نۇرلان ورازالين، باس رەداكتورى - داۋرەن قۋات.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات