+7 (701) 759 90 19 Лента
10 °С : نۇر-سۇلتان
7 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

تۇراقتى مەكەنجايى جوق قازاقستان ازاماتىنا رەسەيدەن 850 توننا قانت جىبەرىلگەن

22 تامىز 18:16
:ءبولىسۋ
تۇراقتى مەكەنجايى جوق قازاقستان ازاماتىنا رەسەيدەن 850 توننا قانت جىبەرىلگەن

نۇر-سۇلتان. قازاقپارات - قىرعىزستان مەن رەسەي فەدەراتسياسىنان قازاقستانعا 1,5 مىڭ توننا تاۋاردى جالعان تۇلعالار ارقىلى اكەلۋ ارەكەتى اشكەرە بولدى.

بۇل تۋرالى قازاقپارات ق ر قارجى مينيسترلىگى مەملەكەتتىك كىرىستەر كوميتەتىنە سىلتەمە جاساپ حابارلايدى.

ق ر مەملەكەتتىك كىرىستەر كوميتەتىنىڭ ەكسپورتتىق باقىلاۋ باسقارماسىنىڭ باسشىسى قادىر ىسماعۇلوۆتىڭ سوزىنە قاراعاندا، 1- ءساۋىر مەن 20- تامىز ارالىعىندا ەل اۋماعىنا 184 زاڭسىز تاۋار كىرگىزۋ دەرەگى انىقتالعان. كونتراباندالىق تاۋاردىڭ جالپى سالماعى 1545 توننادان استام. سالدارىنان مەملەكەتكە 45 ميلليون تەڭگەدەن استام زيان كەلگەن.

«اتالمىش تاۋاردى شەكارادان الىپ وتپەك بولعان جۇك كولىكتەرى يمپورتتاۋشى تۇلعا انىقتالعانعا دەيىن مەنشىك تۇراق ورىندارىندا بولادى. مەملەكەتتىك كىرىس ورگاندارى ءىستى ماماندارىلعان اۋدانارالىق ەكونوميكالىق سوتقا جىبەرۋ ءۇشىن ماتەريال دايىنداپ جاتىر. مىسالى، 20- تامىزدا رەسەي-قازاقستان باعىتىندا سالماعى 20 توننا قانت تاسىمالداپ بارا جاتقان كولىك ۇستالدى. ىلەسپە قۇجاتتاردى تەكسەرگەن كەزدە تاۋاردىڭ تۇراقتى مەكەنجايى جوق د. ن. سەلين ەسىمدى جەكە تۇلعاعا جولدانعانى انىقتالدى. مەملەكەتتىك كىرىس ورگاندارى اتالمىش ادام 1- ءساۋىر مەن 20- تامىز ارالىعىندا قۇنى 181 ميلليون تەڭگە بولاتىن 850 توننا قانتتى يمپورتتاعانىن انىقتادى. وسىلايشا، مەملەكەتكە 22 ميلليون تەڭگەدەن استام زيان كەلگەن»، - دەيدى قادىر ىسماگۇلوۆ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات