وتىراردا 84 جاستاعى قاريا اۋىلداستارىنا كوپىر سالىپ بەردى
كانالدىڭ ەكى جاعاسىن جاعالاي وتىرعان تۇرعىندار بۇعان دەيىن ەسكى كوپىردەن ءوتىپ، مەكتەپكە باراتىن بالالارىنىڭ جاعدايىنا الاڭداپ كەلگەن ەدى. اتالعان كوپىردەن وتىزدان اسا وتباسىنىڭ 60 قا جۋىق بالاسى مەكتەپكە بارىپ- قايتادى.
بۇگىندە جاڭادان سالىنعان كوپىر اتا- انالاردىڭ ۋايىمىن سەيىلتىپ، تۇرعىندارعا قۋانىش سىيلادى. اتالعان كوپىردىڭ لەنتاسى قيىلىپ، تۇرعىندار وسى ونەگەلى ىسىمەن ەلگە سىيلى بولعان اجەكبار قارياعا العىسىن جاۋدىردى.
ۇزاق جىلدار بويى مەحانيزاتور بولىپ ەڭبەك ەتكەن اجەكبار قورعانبەكوۆ بۇگىندە 84 جاسقا تولىپ وتىر. بەينەتىنىڭ زەينەتىن كورگەن ابىز اقساقال كوپىردى سالۋ ماسەلەلەسى كوتەرىلگەندە قاراپ وتىرا الماعانىن، تۋعان ەلگە، تۋعان جەرگە ازاماتتىق پارىزىن وسىنداي ونەگەلى ىستەرىمەن وتەۋدى ءجون ساناعانىن ايتادى.
«حالىق كوپىردىڭ يگىلىگىن كورسىن، ەلىمىز وركەندەپ، اۋىلدارىمىز كوركەيە بەرسىن»، - دەيدى اجەكبار اتا.