جامبىلدا ءبىر اپتادا بالاسىنا باس-كوز بولماعان 84 اتا-انا جاۋاپقا تارتىلدى

None
None
تاراز. قازاقپارات - جامبىلدىق پوليتسەيلەر جاسوسپىرىمدەر اراسىنداعى قىلمىستىڭ الدىن الۋ شارالارىن جۇرگىزدى، دەپ حابارلايدى قازاقپارات ءتىلشىسى. جۇرگىزىلگەن رەيد بارىسىندا جامبىل وبلىسىندا 84 اتا-انا مەن وزگە دە زاڭدى وكىل اكىمشىلىك جاۋاپكەرشىلىككە تارتىلدى.

بارلىعى 63 رەيد بارىسىندا 67 كامەلەتكە تولماعان بالا ىشكى ىستەر ورگاندارىنا جەتكىزىلدى. ولاردىڭ اتا-اناسى اكىمشىلىك قۇقىق بۇزۋ كودەكسىنىڭ 442-بابى 2-بولىگى بويىنشا اكىمشىلىك جاۋاپكەرشىلىككە تارتىلدى.

سونداي-اق، الكوگول ونىمدەرىن ساتۋ ەرەجەلەرى تۋرالى قازاقستان زاڭناماسىن بۇزۋدىڭ 2 دەرەگى انىقتالدى. اتالعان دۇكەن يەلەرى اكىمشىلىك قۇقىق بۇزۋ كودەكسىنىڭ 200-بابى بويىنشا جاۋاپ بەرەدى. اكىمشىلىك قۇقىق بۇزۋ كودەكسى بويىنشا تاعى 16 زاڭبۇزۋشىلىق تىركەلدى. كامەلەت جاسىنا تولماعان 8 بالا پروفيلاكتيكالىق ەسەپكە قويىلدى. 2 جاس ءوسپىرىم ارنايى مەكتەپكە ورنالاستىرىلدى، ءبىر زاڭدى وكىل اتا-انا قۇقىعىنان ايىرىلدى.

«18-شىلدە ساعات 00:00-دە كۇشىنە ەنگەن كارانتين شارالارىن ەسكەرە وتىرىپ، وبلىستىڭ بارلىق تۇرعىندارىن ۇجىمدىق ءىس-شارالاردى وتكىزۋدەن جانە وعان قاتىسۋدان اۋلاق بولۋعا، سونداي-اق بالالاردى، ولاردىڭ ءومىرى مەن دەنساۋلىعىن قورعاۋعا شاقىرامىن. دەمالىس كۇندەرى كامەلەتكە تولماعان بالالاردىڭ بوس ۋاقىتى مەن بايلانىسىن باقىلاۋدى كۇشەيتۋ كەرەك. بۇزۋشىلىقتار انىقتالعان جاعدايدا اكىمشىلىك قۇقىق بۇزۋ كودەكسىنە سايكەس اكىمشىلىك شارالار قابىلدانادى»، - دەپ حابارلادى پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ باستىعى، پوليتسيا پولكوۆنيگى راحىمبەردى اشكەيەۆ.

سوڭعى جاڭالىقتار