ءۇندىستان مەن بانگلادەشتە 84 ادام قازا تاپتى

None
None
نيۋ-دەلي. قازاقپارات - قۋاتى كۇشتى امفان سيكلونى ءۇندىستاننىڭ كالكۋتتا قالاسىن قيراتىپ، سالدارىنان ءۇندىستان مەن بانگلادەشتە كەم دەگەندە 84 ادام قازا تاپتى.

بۇل تۋرالى BBC اگەنتتىگىنە سىلتەمە جاساپ قازاقپارات حابارلايدى. سارسەنبى كۇنى سيكلون ءۇندىستاننىڭ جاعالاۋ ماڭىنداعى اۋداندارىن جاپىرعان. سيكلون سولتۇستىك باعىت، بۋتان مەملەكەتى جاعىنا قاراي ءوتىپ، بىرتىندەپ السىرەپ كەلەدى. تابيعي اپات سالدارىنان مىڭداعان اعاش تامىرىمەن جۇلىنعان، ەلەكتر سىمدارىنىڭ باعانالارى قيرادى، ۇيلەر تولىق جويىلعان.


كالكۋتتاداعى جولداردىڭ كوبىن سۋ باستى، 14 ميلليون ادام جارىقسىز وتىر.

امفان - بەنگال شىعاناعىندا 1999 -جىلدان بەرى قالىپتاسقان العاشقى سۋپەرسيكلون. حالىقتى قۇتقارىپ، ولاردىڭ مۇلىگىن ساقتاپ قالۋ ءىس-قيمىلدارىنا ەلدە كوروناۆيرۋستىڭ تارالۋىنا قارسى كۇرەس ەداۋىر قيىندىق كەلتىرىپ وتىر.


ءزىلزالادان ءۇندىستاندا كەم دەگەندە - 72 ادام، بانگلادەشتە - 12 ادام قازا تاپقانى تۋرالى حابارلانعان.

ەسكە سالا كەتسەك، 2007 -جىلى بانگلادەشتە سيدر سيكلونى بولىپ، سالدارىنان 3500 عا جۋىق ادام مەرت بولعان ەدى. ال 1999 -جىلى ءۇندىستاننىڭ وديشا شتاتىندا امفانعا ۇقساس سۋپەرسيكلون 10 مىڭنان استام ادامنىڭ ءومىرىن قيىپ كەتتى.


سوڭعى جاڭالىقتار