پاۆلودار حالقىنىڭ 84 پايىزى مەملەكەتتىك ءتىلدى مەڭگەرگەن
وبلىستىق تىلدەردى دامىتۋ باسقارماسىنىڭ باسشىسى ساۋلە وسمانوۆانىڭ ايتۋىنشا، بۇگىنگى كۇنى ورىس ءتىلىن مەڭگەرگەن تۇرعىنداردىڭ ۇلەسى - % 98,6، اعىلشىن ءتىلىن مەڭگەرگەن تۇرعىنداردىڭ ۇلەسى - % 23 جانە ءۇش - قازاق، ورىس جانە اعىلشىن تىلدەرىن مەڭگەرگەن تۇرعىنداردىڭ ۇلەسى % 20- دى قۇرايدى.
«وڭىرلىك ءىس- شارالار جوسپارى شەڭبەرىندە ۇيىمداستىرىلعان اعىلشىن ءتىلى بويىنشا مەملەكەتتىك قىزمەتشىلەرگە ارنالعان كۋرستى 75 ادام اياقتادى، - دەيدى ساۋلە وسمانوۆا. - سونداي- اق، وزگە ەتنوس وكىلدەرى اراسىندا ارنايى كونكۋرستار مەن شارالار وتكىزىلدى. ونىڭ ىشىندە تۇركى تىلدەس حالىقتار جازبالارى كۇنى، «سلاۆيان جازبالارى كۇندەرى»، «بىرلىك» ەتنوفەستيۆالى، اباي وقۋلارى، ورىس جاستارى اراسىندا قازاق ءتىلىن جەتىك مەڭگەرگەن «ءتىل - پاراسات»، ءۇش ءتىلدى مەڭگەرگەن جاستار اراسىندا وتەتىن «ءتىل شەبەرى» بايقاۋلارى بار».
جىل سايىن وتكىزىلەتىن الەۋمەتتىك زەرتتەۋلەردىڭ قورىتىندىسىنا سايكەس، مەملەكەتتىك ءتىلدى مەڭگەرگەن تۇرعىنداردىڭ ۇلەسى بىلتىرعى جىلمەن سالىستىرعاندا ءتورت پايىزعا ارتىپ، % 84 - عا جەتكەن. وبلىستىق ءىس- شارالار جوسپارى شەڭبەرىندە ۇيىمداستىرىلعان قازاق ءتىلىن تەگىن وقىتۋ كۋرسىن 304 ادام اياقتاعان.
جالپى وبلىس بويىنشا قازاق ءتىلى وقىتۋ كۋرستارىنا 12230 ادام قاتىسقان. ايتا كەتەرلىگى، ايماقتا 35 وقىتۋ ورتالىعى قىزمەت ەتەدى. ونىڭ 11- ءى - مەملەكەتتىك ءتىلدى، 31- ءى - اعىلشىن ءتىلىن، تورتەۋى - ورىس ءتىلىن، 13- ءى - باسقا تىلدەردى وقىتۋعا باعىتتالعان.