13:58, 16 - شىلدە 2018 | GMT +6
فرانسيادا مەرەكە كۇنى 845 كولىك ورتەلگەن
بريۋسسەل. قازاقپارات - 13-14- شىلدەدە فرانسيادا باستيليانى الۋ كۇنىن مەرەكەلەۋ كەزىندە 845 كولىك ورتەنىپ، 508 ادام ۇستالعان. بۇل تۋرالى جەكسەنبى كۇنى كەشكىسىن ەلدىڭ ىشكى ىستەر مينيسترلىگى ءمالىم ەتتى، دەپ حابارلايدى «قازاقپارات» ح ا ا مەنشىكتى ءتىلشىسى جەرگىلىكتى ب ا ق- قا سىلتەمە جاساپ.
ءى ءى م دەرەگى بويىنشا، جاعىپ جىبەرىلگەن كولىكتەر سانى بىلتىر 897 ماشينا بولعان. الايدا، ۇستالۋشىلار سانى 2017-جىلى 368 بولسا، بيىل 508 ادامعا جەتكەن.
ىشكى ىستەر مينيسترلىگىنىڭ اقپارتىنا سايكەس، ەكى تۇندە 29 پوليتسيا قىزمەتكەرى جاراقات العان. بۇل وتكەن جىلعىدان 8 ءتارتىپ ساقشىسىنا كوپ.
14- شىلدەدە مەرەكەلىك ءىس-شارالار كەزىندە جانە ماسكەۋدەگى فۋتبولدان الەم چەمپيوناتىندا فرانسيا كومانداسى جەڭىسكە جەتكەن كۇنى 110 مىڭ پوليتسەي مەن جاندارم جۇمىلدىرىلعان.