13:46, 03 - جەلتوقسان 2019 | GMT +6
قايتىس بولعان 843 مىڭ ادامنىڭ اتىندا جىلجىمايتىن مۇلىك بار
نۇر- سۇلتان. قازاقپارات - قايتىس بولعان 843 مىڭ ادامنىڭ اتىنا ءالى كۇنگە جىلجىمايتىن مۇلىك تىركەلگەن. بۇل تۋرالى بۇگىن ۇكىمەت وتىرىسىندا «سالىق جانە كەدەندىك اكىمشىلەندىرۋ» تاقىرىبىندا بايانداما جاساعان ق ر پرەمەر- ءمينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
«جىلجىمايتىن مۇلىك ءتىزىلىمى» اقپاراتتىق جۇيەسىندەگى جىلجىمايتىن مۇلىك بويىنشا وڭدەلگەن 17,3 ميلليون مالىمەتتەردىڭ 2,6 ميلليون مالىمەتى جاڭارتىلىپ، رەتكە كەلتىرىلدى، - دەدى ول.
وسى رەتتە ءبىرىنشى ۆيتسە- پرەمەر قايتىس بولعان مۇلىك يەلەرى بويىنشا 843 مىڭ قاتە جازبالار انىقتالعانىن ايتتى.
«وسىعان بايلانىستى يندۋستريا جانە ينفراقۇرىلىمدىق دامۋ مينيسترلىگى جەرگىلىكتى اتقارۋشى ورگاندارمەن بىرلەسىپ، قايتىس بولعان جانە قازاقستان رەسپۋبليكاسىنان تىس جەرلەرگە كەتكەن ادامدارعا تيەسىلى يەسىز مۇلىكتى يەسىز دەپ تانۋ ماسەلەسىن پىسىقتاۋ كەرەك»، - دەدى ءا. سمايىلوۆ.
اۆتور: مارلان جيەمباي