+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

اقتوبە تاريحشىلارى قۋعىن-سۇرگىنگە ۇشىراعان 840 ادامنىڭ اتى-ءجونىن انىقتادى

25 قىركۇيەك 11:33
:ءبولىسۋ
اقتوبە تاريحشىلارى قۋعىن-سۇرگىنگە ۇشىراعان 840 ادامنىڭ اتى-ءجونىن انىقتادى

اقتوبە. قازاقپارات - اقتوبەدە ساياسي قۋعىن- سۇرگىن قۇرباندارىن تولىق اقتاۋ ماسەلەلەرى جونىندەگى وڭىرلىك كوميسسيانىڭ كەزەكتى وتىرىسى ءوتتى.

ارحيۆتەن 840 ادامنىڭ اتى-ءجونى تابىلدى، دەپ حابارلايدى قازاقپارات ءتىلشىسى.

اقتوبەدە ساياسي قۋعىن-سۇرگىن قۇرباندارىن تولىق اقتاۋ ماسەلەلەرى جونىندەگى وڭىرلىك كوميسسيانىڭ كەزەكتى وتىرىسىنا مەملەكەتتىك ورگانداردىڭ باسشىلارى، وبلىستىق پوليتسيا دەپارتامەنتى، مەملەكەتتىك ارحيۆ، وبلىستىق تاريحي- ولكەتانۋ مۋزەيىنىڭ وكىلدەرى قاتىستى.

قازىرجۇمىس توبى اقتوبە وبلىستىق مەملەكەتتىك ارحيۆى مەن وبلىستىق پوليتسيا دەپارتامەنتىنىڭ ارحيۆىندە 9 باعىت بويىنشا زەرتتەۋ جۇمىستارىن جۇرگىزىپ جاتىر.

زەرتتەۋ جۇمىستارىنىڭ ناتيجەسىندە 840 ادامنىڭ ءتىزىمى انىقتالىپ، اقتاۋ ءۇشىن مەملەكەتتىك كوميسسياعا جولداندى.

«ءبىر عانا اقتوبە بويىنشا دۇنيە-مۇلكى تاركىلەنۋگە جاتاتىن 59 بايدىڭ ءتىزىمى انىقتالدى. ءوزى عانا ەمەس، وتباسى تۇگەل جاپا شەكتى. الەۋمەتتىك ستاتۋس عانا ەمەس، ءدىن وكىلدەرى، بۇرىنعى سۇلتان، تورەلەردىڭ تۇقىمدارى دا قۋدالاندى. زەرتتەۋ توبىنىڭ نەگىزگى جۇمىسى - انىقتاۋ. اقتالدى ما، اقتالمادى ما دەگەن سۇراقتاردى دا قارايمىز. اقتالماسا، سەبەبى زەردەلەنەدى. سوتتالعان، قۋدالانعان ادامداردىڭ ءبارى 1926-جىلى رەسەيدىڭ قىلمىستىق كودەكسى نەگىزىندە سوتتالعان. ەڭ كوپ كەزدەسەتىنى - 58-باپ. ول «مەملەكەتكە قارسى ءىس-ارەكەتتەر» بابى بولعان. سونداي- اق 59، 73، 79، 107، 111-باپتار دا بار. ءبارى مەملەكەتكە قاستاندىق، مۇلىكتى تالان-تاراجعا سالۋعا باعىتتالعان. ءبىز قۋعىن- سۇرگىنگە تۇسكەن ادامداردىڭ ءتىزىمى انىقتالىپ، ورتاق بازاسى قۇرىلسا دەيمىز. اقتوبە وبلىسىندا «قۋعىن-سۇرگىن قۇرباندارى» دەگەن 3 تومدىق كىتاپ بار. جازىقسىز قۋدالانعان ازاماتتاردى تانىستىرۋ، اقتاۋدى ماقسات ەتەمىز. وعان باعا بەرەتىن ارنايى ماماندار بار»، - دەدى تاريح عىلىمدارىنىڭ كانديداتى، دوتسەنت داۋلەت ابەنوۆ.

سونداي-اق ءدىن جانە ءدىن وكىلدەرى تۋرالى قۇجاتتار كوبىنە اراب گرافيكاسىمەن، ياعني، توتە جازۋمەن جازىلعان.

كەيبىر قارىپتى جازۋدا وزگەشەلىك بار. مۇنىڭ ءبارى زەرتتەۋشىلەردىڭ قۇجاتتى تولىق زەردەلەۋى ءۇشىن كەدەرگى كەلتىرىپ تۇر. ارحيۆتە قۋدالاۋعا ۇشىراعاندارمەن قاتار 1927-1933-جىلدارى سايلاۋعا قاتىسۋ قۇقىعىنان ايىرىلعان 500 گە جۋىق ءدىن قىزمەتكەرىنىڭ اتى-ءجونى دە تابىلدى.

ولاردى جاۋاپقا تارتۋ دەرەگى قۇجاتقا رەسمي تىركەلمەدى. تاريح عىلىمدارىنىڭ دوكتورى راحىم بەكنازاروۆتىڭ ايتۋىنشا، ارحيۆتەردە ءدىني قىزمەتكەرلەردىڭ ارنايى قورى جابدىقتالماعان جانە مۇسىلماندىق، حريستياندىق دەپ بولىنبەگەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات