الماتىدا ماسكاسىز جۇرگەن ادامدارعا 83 مىڭ تەڭگە ايىپپۇل سالىنا باستادى

None
None
الماتى. قازاقپارات - الماتىدا كوشەدە ماسكاسىز جۇرگەن ادامدارعا 83 مىڭ تەڭگە كولەمىندە ايىپپۇل سالىنا باستادى، دەپ حابارلايدى قازاقپارات ءتىلشىسى.

قالالىق تاۋارلار مەن قىزمەتتەردىڭ ساپاسىن باقىلاۋ باسقارماسىنىڭ حابارلاۋىنشا، 5-14 - شىلدە ارالىعىندا كارانتين تالاپتارىن بۇزعان 165 جەكە تۇلعا اكىمشىلىك جازاعا تارتىلدى. ولاردىڭ بارلىعى ماسكاسىز جۇرگەن.

«ءار تۇلعاعا قاتىستى ق ر ا ق ب ك 425-بابىنىڭ 1-بولىمىمەن اكىمشىلىك حاتتاما تولتىرىلدى. بۇل باپ بويىنشا 30 ا ە ك، 83 مىڭ تەڭگە كولەمىندە ايىپپۇل قاراستىرىلعان»، - دەدى دەپارتامەنت ماماندارى.

قازىر مونيتورينگ توپتارى قوعامدىق ورىنداردا رەيد جۇمىستارىن ءالى جالعاستىرىپ جاتىر. بۇعان دەيىن ق ر ادىلەت ءمينيسترى مارات بەكەتايەۆ ازاماتتار مەن بيزنەس سۋبەكتىلەرىنىڭ قۇقىعى مەن مىندەتتەرى تۋرالى ايتقان بولاتىن.

ايتا كەتۋ كەرەك، الماتىدا 5 - شىلدەدەن باستاپ COVID-19 تارالۋىنا جول بەرمەۋ ماقساتىندا شەكتەۋ شارالارى ەنگىزىلگەن بولاتىن.

اۆتور: گۇلميرا عوسمانالي

سوڭعى جاڭالىقتار