قازاقستاندىق 83 جاستاعى جەلاياق قاريا تۇركياداعى جارىستا چەمپيون اتاندى
حالىقارالىق جارىستا تۇركيالىقتارمەن بىرگە فرانسيا، گەرمانيا جانە قازاقستاننان جاسى سەكسەننەن اسقان سپورتشىلار قاتىستى. جۇگىرۋدى جاستايىنان جانىنا سەرىك ەتكەن قازالىلىق قاريا مىڭنان استام جەلاياقتىڭ اراسىندا التىن مەدالدى ۇتىپ الدى.
تەمىرجول سالاسىنىڭ ارداگەرى اققويان ىرساليەۆ جاستايىنان سالاۋاتتى ءومىر سالتىن ۇستانادى. وقۋشى كەزىندە بوكسپەن اينالىسقان. ازاماتتىق بورىشىن اۋە- دەسانت اسكەرى قاتارىندا وتەگەن ول پاراشيۋتپەن 281 رەت سەكىرگەن.
بۇگىندە قاريا ارداگەرلەر اراسىندا وتەتىن دويبى، شاحمات، نىسانا كوزدەۋ، جۇگىرۋ جارىستارىندا جۇلدەلى ورىندار الىپ ءجۇر. سونداي- اق، كۇن سايىن تاڭەرتەڭ جۇگىرىپ، جاتتىعۋ جاسايدى. 2011 - جىلدان بەرى الماتى مارافونىنا قاتىسىپ ءجۇر. 2015 - جىلى اتالمىش جارىستا التىن مەدال الدى.
سەرگەكتىكتى سەرىك ەتكەن قاريا كۇن سايىن كەمىندە 10 شاقىرىم جۇگىرەدى. ال جارىسقا بارار الدىندا 30 شاقىرىمدى باعىندىرادى.