USD 424.84 EUR 453.6
RUB 7.3 CNY 63.91
جاڭالىقتار

الماتىدا ءتورت كۇندە 833 ادام ريەۆاكسيناتسيادان ءوتتى

26 قاراشا 19:42
:ءبولىسۋ
الماتىدا ءتورت كۇندە 833 ادام ريەۆاكسيناتسيادان ءوتتى

الماتى. قازاقپارات - الماتىداعى 22№ ەمحانا باس دارىگەرىنىڭ ورىنباسارى اقەركە جومارت ريەۆاكسيناتسيانىڭ ماڭىزدىلىعى تۋرالى ايتتى، دەپ حابارلايدى قازاقپارات ءتىلشىسى.

«ءۇشىنشى ۆاكسينا جاڭا شتامداردان قورعانۋ ءۇشىن قانداعى انتيدەنەلەردىڭ جەتكىلىكتى دەڭگەيىن دامىتۋعا مۇمكىندىك بەرەدى. ۋاقىت وتە كەلە ۆاكسيناتسيالانعانداردىڭ كوروناۆيرۋسقا يممۋندىق رەاكسياسى تومەندەيدى، سوندىقتان 18 جاستان اسقان بارلىق ازاماتتار ۆاكسيناتسيانىڭ ەكىنشى كەزەڭى ەنگىزىلگەننەن كەيىن 6 نەمەسە 9 ايدان كەيىن ۇدەتكىش دوزانى الۋى كەرەك»، - دەدى اقەركە جومارت.

دارىگەردىڭ ايتۋىنشا، حالىقتىڭ ريەۆاكسينالانۋى ناتيجەسىندە كوروناۆيرۋسقا قاتىستى جاعداي اناعۇرلىم باسقارىلاتىن بولادى. سونىمەن قاتار، ول ۆاكسيناتسيا اعزانىڭ يممۋنيتەتىن السىرەتپەيتىنىن تىلگە تيەك ەتتى.

«22№ ەمحانادا ءتورت كۇن ىشىندە ۆاكسينانىڭ ءۇشىنشى دوزاسىن شامامەن 30 مەديتسينا قىزمەتكەرى الدى. مەن اقپان ايىندا «سپۋتنيك V» پرەپاراتىمەن ۆاكسيناتسيالاندىم، ەكىنشى كومپونەنتتى ناۋرىز ايىندا الدىم، ال 24- قاراشادا وتاندىق QazVac پرەپاراتىمەن ريەۆاكسيناتسيادان ءوتتىم»، - دەيدى ول.

الماتىدا بارلىعى 833 ادام ريەۆاكسينالاندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات