USD 434.34 EUR 491.93
RUB 5.56 CNY 68.67
جاڭالىقتار

ەندى 830 مىڭ قازاقستاندىق اتاۋلى الەۋمەتتىك كومەك الا الادى - بەردىبەك ساپاربايەۆ

28 اقپان 15:50
:ءبولىسۋ
ەندى 830 مىڭ قازاقستاندىق اتاۋلى الەۋمەتتىك كومەك الا الادى - بەردىبەك ساپاربايەۆ

استانا. قازاقپارات - 830 مىڭ قازاقستاندىقتىڭ اتاۋلى الەۋمەتتىك كومەك الۋعا مۇمكىندىگى بولادى.

بۇل تۋرالى بۇگىن ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

«1 -شىلدەگە دەيىن ەڭ تومەنگى كۇنكورىس دەڭگەيى 14849 تەڭگە بولادى. ال 1 -شىلدەدەن باستاپ ول 20789 تەڭگەگە كوتەرىلەدى. ياعني، ەگەر اتالعان كومەكتى وسى ۋاقىتقا دەيىن 571 مىڭ ادام الىپ كەلسە، ەندى ول 260 مىڭعا كوبەيىپ، 830 مىڭ قازاقستاندىقتىڭ اتاۋلى الەۋمەتتىك كومەك الۋعا مۇمكىندىگى بولادى»، - دەدى مينيستر.

وسى رەتتە ول ءبىر وتباسىن مىسالعا كەلتىرىپ، ناقتى دەرەكتەرمەن ءبولىستى.

«4 بالالى جالعىز باستى وتباسى 1 -شىلدەگە دەيىن تابىسى جوق بولعاننان سوڭ 63 مىڭ تەڭگە اتاۋلى الەۋمەتتىك كومەك الاتىن بولسا، ەندى 1 -شىلدەدەن باستاپ ول 40 مىڭ تەڭگەگە كوبەيەدى. ياعني 103945 تەڭگەگە جەتەدى. ال قوسىمشا تولەمدەردى ەسەپتەگەندە ول جانۇيانىڭ جالپى تابىسى ايىنا 114448 تەڭگە بولادى»، - دەدى ول.

مينيستر اتاۋلى الەۋمەتتىك كومەكتى دايىنداۋ ءۇشىن وتباسىلاردىڭ جيىنتىق تابىسىندا دا وزگەرىس ورىن الاتىندىعىن ايتتى.

«ءبىرىنشى شىلدەدەن باستاپ بۇرىنعى ەسەپتەلىنىپ كەلگەن كوپبالالى وتباسىلارعا، التىن القا، كۇمىس القا يەگەرلەرى انالارعا، مۇگەدەك بالالار بار وتباسىلارعا بەرىلەتىن جاردەماقىلار جانە ستيپەنديالار 1 -شىلدەدەن ەسەپتەلىنبەيدى»، - دەدى ب. ساپاربايەۆ.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات