+7 (701) 759 90 19
-2 °С : نۇر-سۇلتان
1 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

قىتايداعى كونوۆيرۋستى 830 ادام جۇقتىرىپ، 25 ادام كوز جۇمعان – ق ر س ءى م

24 قاڭتار 18:05
:ءبولىسۋ
قىتايداعى كونوۆيرۋستى 830 ادام جۇقتىرىپ، 25 ادام كوز جۇمعان – ق ر س ءى م

نۇر- سۇلتان. قازاقپارات – ق ر سىرتقى ىستەر مينيسترلىگى كوروناۆيرۋسقا بايلانىستى قىتايعا بارۋدى جوسپارلاپ وتىرعانداردى ساق بولۋعا شاقىردى، دەپ حابارلايدى قازاقپارات ءتىلشىسى.

«قىتاي حالىق رەسپۋبيكاسىنىڭ ۋحان قالاسىندا قوزدىرعىشى كوروناۆيرۋستىڭ جاڭا ءتۇرى بولىپ تابىلاتىن پنيەۆمانيا اۋرۋىنىڭ كوپتەگەن جاعدايى تىركەلگەن. بۇگىنگى كۇنى جۇقتىرعانداردىڭ سانى 830-دان اسىپ، 25 ادام كوز جۇمدى. قازىرگى ۋاقىتتا قىتايدىڭ دەنساۋلىق ساقتاۋ ورگاندارى وسى ۆيرۋستىڭ پروۆينتسيادان تىس جەرلەردە كەڭ تارالۋىن بولدىرماۋ جونىندە ءتيىستى شارالاردى قابىلداۋدا. ۋحان قالاسىندا جانە حۋۆەي پروۆينتسياسىنىڭ باسقا دا جاقىن قالالارىندا كارانتين رەجىمى ەنگىزىلدى. كولىك قاتىناستارىنىڭ بارلىق تۇرلەرى توقتاتىلدى»، - دەدى ايبەك سمادياروۆ س ءى م- دە وتكەن باسپا ءسوز ءماسليحاتىندا.

ونىڭ ايتۋىنشا، ق ر س ءى م قىتايعا بارۋدى جوسپارلاپ وتىرعان قازاقستان ازاماتتارىنا ءتيىستى ساقتىق شارالارىن قابىلداۋدى جانە ەپيدەميولوگيالىق ءقاۋىپتى جويعانعا دەيىن جۇقتىرىپ الۋ قاۋپى جوعارى ۋحان قالاسى مەن حۋۆەي پروۆينتسياسىنا بارۋدان ۋاقىتشا باس تارتۋدى ۇسىنادى. سونىمەن بىرگە، ادامدار كوپ جينالاتىن ورىندارعا بارۋدان اۋلاق بولۋ، جەرگىلىكتى بيلىكتىڭ تالاپتارىن قاتاڭ ساقتاۋ قاجەت.

«اۋرۋعا كۇدىك تۋعان جاعدايدا دەرەۋ مەديتسينالىق مەكەمەگە بارىپ، قازاقستاننىڭ قىتايداعى ەلشىلىگىنە حابارلاسۋ كەرەك. ق ر دەنساۋلىق ساقتاۋ مينيسترلىگى س ءى م- مەن بىرلەسە وتىرىپ، قىتايداعى ەپيدەميولوگيالىق جاعدايدى مۇقيات قاداعالاۋدا. اۋرۋدىڭ ەلىمىزگە جەتىپ، تارالۋ قاۋپىن الدىن الۋ ماقساتىندا ق ر- دا سانيتارلىق ەپيدەمياعا قارسى جانە پروفيلاكتيكالىق شارالار كەشەنى قارالىپ جاتىر»، - دەدى ول.

ايبەك سمادياروۆ قازىر قازاقستانداعى اۋەجايلاردا سانيتارلىق كارانتيندىك باقىلاۋ جۇزەگە اسىرىلىپ جاتقاندىعىن ءمالىم ەتتى.

«بارلىق جولاۋشى تەپلوۆيزور سكانەرىنەن وتۋدە، بۇل قىتايدان كەلەتىن رەيستەرگە كۇشەيتىلدى»، - دەدى ول.

اۆتور: ايان بەكەن ۇلى


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات