الماتىدا كورونوۆيرۋس جۇقتىرعان 825 ادام ۇيىندە ەم قابىلداپ جاتىر

None
None
الماتى. قازاقپارات - قازىرگى ۋاقىتتا 825 ادام ۇيىندە ەمدەلىپ جاتىر. ولار مەديتسينالىق باقىلاۋعا الىنعان. بارلىعى جەڭىل دارەجەلى ناۋقاستار. بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ ءمالىم ەتتى، دەپ حابارلايدى قازاقپارات ءتىلشىسى.

«وتكەن ايدا وسى ساناتتاعى ناۋقاستاردىڭ سانى شامامەن 3 ەسەگە ازايدى جانە تومەندەۋ جالعاسىپ كەلەدى. ىندەت ورشىگەن تۇستا 2450-دەن استام ناۋقاس ۇيدەن ەم العان بولاتىن. العاشقى مەديتسينالىق- سانيتارلىق كومەك دەڭگەيىندە COVID-19 ۆيرۋسى جانە پنيەۆمونيامەن ەمحانا كومەگىنە جۇگىنگەندەر % 36- عا ازايدى. شىلدە ايىنىڭ ورتاسىندا قالالىق ەمحانالارعا 1300-دەن استام ناۋقاس جۇگىنگەن، بۇگىندە ەمحانالارعا تاۋلىگىنە COVID-19 ۆيرۋسىنان سەزىكتەنگەن 450-كە جۋىق پاتسيەنت كەلەدى»، - دەيدى كامالجان نادىروۆ.

سونىمەن قاتار، ول اۋرۋ كورسەتكىشىنىڭ تومەندەۋىنە قاراماستان، COVID-19 ۆيرۋسىمەن كۇرەس بويىنشا مەديتسينالىق- سانيتارلىق العاشقى كومەك دەڭگەيىندەگى جۇمىستار جالعاسىن تاباتىنىن ايتتى. مەديتسينالىق- سانيتاريالىق العاشقى كومەك كورسەتۋ دەڭگەيىندە بارلىعى 74 مەديتسينالىق ۇيىم قۇرىلعان. ونىڭ 39 مەملەكەتتىك ەمحانا جانە 35 جەكە مەنشىك ۇيىم. مساك ۇيىمدارىندا 9914 مەديتسينالىق قىزمەتكەر جۇمىس ىستەيدى. ونىڭ 2712 دارىگەر. م س ا ك ۇيىمدارىنا 2035366 ادام تىركەلگەن»، - دەدى ول.

ەمحانالاردىڭ جۇمىسى موبيلدى بريگادالارمەن كۇشەيتىلدى. ولاردىڭ سانى 5 ەسەگە ارتىپ، 409 بريگاداعا جەتتى. وندا 925 مەديتسينا قىزمەتكەرى جۇمىس ىستەيدى.

«وزدەرىڭىز بىلەتىندەي، شىلدە ايىنان باستاپ ناۋقاستاردى مونيتورينگىلەۋ ورتالىعى جۇمىس ىستەي باستادى. بۇل رەتتە ءبىرىنشى ايدىڭ قورىتىندىسى بويىنشا قاۋىپ توبىنداعى امبۋلاتوريالىق 1500-نان استام ناۋقاسقا كەڭەس بەرىلدى. بۇگىنگى جۇمىس بويىنشا COVID-19 ۆيرۋسىنا وڭ جانە تەرىس ناتيجە كورسەتكەن ناۋقاستارعا نازار اۋدارامىز، جوسپارلى اۋرۋحاناعا جاتقىزۋ توقتاعان جوق، بارلىق مەديتسينالىق ۇيىمدار جۇمىس ىستەپ جاتىر»، - دەيدى قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ.

اۆتور: الما مۇقانوۆا


سوڭعى جاڭالىقتار