13:20, 27 - ناۋرىز 2023 | GMT +6
سايلاۋ پروتسەسىن 81 مىڭنان استام ۇلتتىق بايقاۋشى قاداعالادى - نۇرلان ءابدىروۆ
استانا. قازاقپارات - داۋىس بەرۋ كۇنى بايقاۋدى 81 مىڭنان اسا ۇلتتىق بايقاۋشى باقىلادى. بۇل تۋرالى سايلاۋدىڭ تۇپكىلىكتى قورىتىندىسىن جاريالاۋ كەزىندە ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ءمالىم ەتتى، دەپ حابارلايدى قازاقپارات ءتىلشىسى.
«داۋىس بەرۋ كۇنى بايقاۋدى 81 مىڭنان اسا ۇلتتىق بايقاۋشى جۇزەگە اسىردى. ونىڭ ىشىندە كانديداتتاردىڭ ساياسي پارتيالاردىڭ 38981 سەنىم بىلدىرگەن ادامدارى، ساياسي پارتيالاردىڭ 19 مىڭ بايقاۋشىسى، 252 اككرەديتتەلگەن قوعامدىق بىرلەستىكتەردىڭ 23383 بايقاۋشىسى جانە حالىقارالىق ۇيىمداردىڭ 793 بايقاۋشىسى قاتىستى»، - دەدى نۇرلان ءابدىروۆ.
ەسكە سالايىق، بۇگىن و س ك سايلاۋدىڭ تۇپكىلىكتى قورىتىندىسىن شىعاردى.
اۆتور
ءاليحان اسقار