جانارماي باعاسىن ءوسىرىپ جىبەرگەن قاراعاندى اۋەجايى 81 ميلليون تەڭگە ايىپپۇل تولەدى
ونىڭ بارىسىندا كومپانيانىڭ 2018-2019 -جىلدارى ىشكى اۋە جەلىلەرى بويىنشا اۆياوتىنعا مونوپوليالىق جوعارى باعا بەلگىلەگەنى انىقتالىپ، ءىس قوزعالدى، دەپ حابارلايدى قازاقپارات.
سول سەبەپتى قاراعاندى قالاسىنىڭ اكىمشىلىك ىستەر جونىندەگى مامانداندىرىلعان اۋدانارالىق سوتىنىڭ قاۋلىسىمەن «سارى- ارقا» اۋەجايى» ا ق اكىمشىلىك جاۋاپكەرشىلىككە تارتىلدى.
ونىڭ 50240000 (ەلۋ ميلليون ەكى ءجۇز قىرىق مىڭ) تەڭگە مولشەرىندە مونوپوليالىق تابىسى تاركىلەنىپ، 31104912 (وتىز ءبىر ميلليون ءبىر ءجۇز ءتورت مىڭ توعىز ءجۇز ون ەكى) تەڭگە اكىمشىلىك ايىپپۇل سالىندى.
سوت قاۋلىسى زاڭدى كۇشىنە ەنگەن سوڭ اۋەجاي 50240000 (ەلۋ ميلليون ەكى ءجۇز قىرىق مىڭ) تەڭگە مولشەرىندە مونوپوليالىق تابىستى تولەدى.
سوتتىڭ ۇيعارىمى بويىنشا اكىمشىلىك ايىپپۇل ءبولىپ تولەندى. بۇل تۋرالى 30-قاڭتاردا اۋەجاي دەپارتامەنتكە راستايتىن قۇجاتتارى بار حات ۇسىندى.
وسىلايشا، مەملەكەت كىرىسىنە جالپى سوماسى 81344912 تەڭگە ايىپپۇل ءوندىرىلدى.