الماتىدا بولعان ءورت كەزىندە جوعارى قاباتتان 81 ادام قۇتقارىلدى

الماتى. قازاقپارات - الماتىدا اۋەزوۆ اۋدانى سايىن كوشەسىندەگى تۇرعىن ءۇيدىڭ ءبىرىنشى قاباتىندا ورنالاسقان شاشتاراز ورتەندى.

بۇل تۋرالى قالالىق ت ج د باسپا ءسوز قىزمەتى مالىمدەدى، دەپ حابارلايدى قازاقپارات ءتىلشىسى.

ءورت شىققانى تۋرالى حابارلاما قالالىق ت ج د «101» پۋلتىنە ساعات 21:24-تە كەلىپ تۇسكەن.

«اۋەزوۆ اۋدانىنا قاراستى سايىن كوشەسىندەگى 14/1 تۇرعىن ءۇيدىڭ پودەزىن جالىن شارپىعان. ءورت ءسوندىرۋ قىزمەتى وقيعا ورنىنا 9 مينۋت وتكەن سوڭ، ياعني 21:33-تە جەتتى. ءمالىم بولعانداي، 4 قاباتتى تۇرعىن ءۇيدىڭ 1 قاباتىنداعى «اراي» شاشتارازىنان ءورت شىققان. قويۋ ءتۇتىننىڭ كەسىرىنەن جوعارعى قابات تۇرعىندارى ەۆاكۋاتسيا(شىعىپ كەتۋ - رەد.) جولىن پايدالانا الماعان. ءورت وقيعاسى كەزىندە 81 ادام قۇتقارىلدى. ونىڭ 16 سى - بالالار. جوعارعى قاباتتاعى تۇرعىنداردى مەحانيزاتسيالاندىرىلعان اۆتوساتىلارمەن قۇتقارۋ شارالارى ۇيىمداستىرىلدى»، - دەدى الماتى قالاسى ت ج د باسپا ءسوز قىزمەتىنەن.

قالالىق ت ج د باسپا ءسوز قىزمەتىنىڭ مالىمدەۋىنشە، ءورت دەر كەزىندە ءسوندىرىلدى. جوعارعى قاباتتاعى پاتەرلەر مەن جانىنداعى ۇيلەرگە ەش زيان كەلمەگەن. ءورت 22:07-دە اۋىزدىقتالىپ، 22:27-دە تولىقتاي وشىرىلگەن. جالىن 25 شارشى مەتر اۋماقتى شارپىعان.

ءورت كەزىندە 15 جاسار قىز بالا تۇتىنگە ۋلانىپ قالدى. ونى جەدەل جاردەم كولىگى جاقىن ماڭداعى اۋرۋحاناعا جەتكىزدى.

 

ارايلىم جولداسبايەۆا