مەديتسينالىق وقۋ ورىندارىنىڭ 80 پايىز قۇرال-جابدىعى توزعان - مينيسترلىك
«اشىق» ن ق ا پورتالىندا جاريالانعان «عىلىم جانە تەحنولوگيالىق ساياسات تۋرالى» ق ر زاڭىنىڭ جوباسىنا ارنالعان رەتتەۋ ساياساتىنىڭ كونسۋلتاتيۆتىك قۇجاتىندا وسىلاي جازىلعان، دەپ حابارلايدى قازاقپارات ءتىلشىسى.
«مەديتسينالىق جوعارى وقۋ ورىندارىنىڭ قۇرال- جابدىقتارىنىڭ %80 ى توزعان. سوندىقتان بۇل زەرتحانالاردى قايتا جاراقتاندىرۋ ماسەلەسى ايرىقشا ماڭىزدى. سونداي- اق عىلىمي-زەرتتەۋ جۇمىستارىن جۇرگىزۋ ءۇشىن ماتەريال جيناۋ ورنىندا، باسقا وڭىرلىك جوعارى وقۋ ورىندارىندا دا وسىنداي مولەكۋلالىق- گەنەتيكالىق زەرتحانالار قۇرۋ قاجەت. زەرتحانالاردى جاراقتاندىرۋ ءۇشىن مولەكۋليارلىق- گەنەتيكالىق زەرتتەۋلەرگە ارنالعان قۇرال-جابدىقتار بولۋى كەرەك جانە مەديتسينالىق جوعارى وقۋ ورىندارىنىڭ بازاسىندا بيوبانكتەردى قۇرۋ اسا ماڭىزدى. كوپتەگەن زەرتحانالار سىناما جۇمىستارى كەزىندە جابدىقتى تەك ءبىر رەت تۇتىنۋ ءۇشىن ساتىپ الادى، كەيىن جابدىق جۇمىس ىستەمەيدى»، - دەپ ماسەلە جازىلعان قۇجاتتا.
مينيسترلىك دەرەگىنشە، سونىمەن بىرگە حالىقارالىق ستاندارتقا ساي سەرتيفيكاتتاۋدان وتكەن سىناق زەرتحانالارىنىڭ بولماۋى - ءونىمنىڭ ەكسپورتىنا كەرى اسەرىن تيگىزىپ وتىر. ماسەلەنىڭ شەشىمى رەتىندە ۆەدومستۆو ءتيىستى ينفراقۇرىلىمى جانە بىلىكتى قىزمەتكەرلەرى بار كاسىبي مامانداندىرىلعان ورتالىقتار قۇرۋدى ۇسىنىپ وتىر
كونسۋلتاتيۆتىك قۇجات 30-ناۋرىزعا دەيىن كوپشىلىك تالقىلاۋدا بولادى.