الماتىداعى ح ق ك و 80 مىڭنان استام شەتەلدىككە قىزمەت كورسەتتى

الماتى. قازاقپارات- 21-قىركۇيەكتەن باستاپ رەسەيدە ءىشىنارا اسكەرگە جۇمىلدىرۋ تۋرالى حابارلاندىرۋدان كەيىن بىزگە كەلگەن رەسەيلىكتەردىڭ اعىمى ارتتى.

بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا «ازاماتتارعا ارنالعان ۇكىمەت» مەملەكەتتىك مەكەمەسىنىڭ الماتى قالاسى بويىنشا فيليالىنىڭ ديرەكتورى ابدۋراسۋل قۇلداشوۆ ءمالىم ەتتى، دەپ حابارلايدى قازاقپارات ءتىلشىسى.

ابدۋراسۋل قۇلداشوۆتىڭ ايتۋىنشا، الماتىدا 8 اۋداندىق، 4 مامانداندىرىلعان ءبولىم، ءبىر كوشى- قون قىزمەتى ورتالىعى جۇمىس ىستەيدى.

«اعىمداعى جىلدىڭ 1-قاڭتار مەن 26-قىركۇيەك ارالىعىندا 81156 قىزمەت كورسەتىلدى. ونىڭ ىشىندە «قازاقستان رەسپۋبليكاسىنا ۋاقىتشا كەلگەن شەتەلدىكتەر مەن ازاماتتىعى جوق ادامدار ءۇشىن جەكە سايكەستەندىرۋ ءنومىرىن قالىپتاستىرۋ» بويىنشا 74698 قىزمەت كورسەتىلدى.

«شەتەلدىكتەر مەن ازاماتتىعى جوق ادامدارعا ق ر-دا ۋاقىتشا تۇرۋعا رۇقسات بەرۋ» بويىنشا - 6458 قىزمەت»، - دەدى سپيكەر. سونىمەن قاتار، ول 21-قىركۇيەكتەن 26-قىركۇيەككە دەيىن «قازاقستان رەسپۋبليكاسىنا ۋاقىتشا كەلگەن شەتەلدىكتەر مەن ازاماتتىعى جوق ادامدار ءۇشىن جەكە سايكەستەندىرۋ ءنومىرىن قالىپتاستىرۋ» مەملەكەتتىك كورسەتىلەتىن قىزمەتتى الۋ ءۇشىن 2851 قىزمەت الۋشى جۇگىنگەنىن اتاپ ءوتتى.

«ايتا كەتسەك، رەسەيلىكتەر قازاقستاندا ج س ن-دى رەزيدەنت ەمەستەر رەتىندە راسىمدەۋدە. شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىندا ۋاقىتشا تۇرۋعا رۇقسات بەرۋ» مەملەكەتتىك كورسەتىلەتىن قىزمەتتى الۋ ءۇشىن 474 قىزمەت الۋشى جۇگىندى. ەكى قىزمەتتىڭ دە دايىندالۋ ۋاقىتى 1 جۇمىس كۇنى»، - دەدى ول.

بۇعان دەيىن ابدۋراسۋل قۇلداشوۆ الماتى قالاسىندا كۇشەيتىلگەن ح ق و «قۇلاگەر» شاعىناۋدانى، سەرىكوۆ كوشەسى، 6A (2-قابات) مەكەنجايىندا جۇمىس ىستەيتىنىڭ تۋرالى ايتقان بولاتىن.

وندا ازاماتتاردى قابىلداۋ ءۇشىن 20 جۇمىس ورنى، ۇيىمداستىرۋ تەحنيكاسىمەن جابدىقتالعان دايىن قۇجاتتاردى بەرۋ ءۇشىن ەكى ورىن قۇرىلدى. ءبولىم قىزمەت الۋشىلار ءۇشىن 50 ورىندى كۇتۋ زالى، اۋىز سۋى بار ديسپەنسەر، تەمپەراتۋرانى باقىلاۋ قولايلى جاعدايلارىمەن جابدىقتالعان.