تىركەلگەن كوروناۆيرۋس جاعدايلارىنىڭ 80 پايىزى «وميكرون- ستەلس» تۇرىنە جاتادى - مينيستر

None
None
نۇر-سۇلتان. قازاقپارات - جىل باسىنان بەرى قازاقستاندا تىركەلگەن كوروناۆيرۋس جاعدايلارىنىڭ 80 پايىزى «وميكرون- ستەلس» تۇرىنە جاتادى.

بۇل تۋرالى ق ر دەنساۋلىق ساقتاۋ ءمينيسترى اجار عينيات استانادا ءوتىپ جاتقان حالىقارالىق نەيروحيرۋرگيا فورۋمىنىڭ كۋلۋارىندا ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلدىڭ اياعىنان باستاپ بۇكىل دۇنيەجۇزىندە تارالىپ كەلە جاتقان «وميكرون» شتامىنىڭ ءبىزدىڭ ەلدە دە تارالۋى بايقالىپ وتىر. سول «وميكرون» شتامىنىڭ «ستەلس» ءتۇرى كەڭىنەن تاراپ جاتىر. ءبىز ءوزىمىز اي سايىن گەنەتيكالىق زەرتتەۋلەر جۇرگىزەمىز. ونى دا سىزدەر بىلەسىزدەر، حابارلاپ تۇرامىز. سوڭعى زەرتتەۋلەردىڭ قورىتىندىسى تىركەلگەن جاعدايلاردىڭ 80 پايىزدايى «وميكرون- ستەلس» ءتۇرى ەكەنىن كورسەتىپ وتىر»، - دەدى اجار عينيات.

سونداي-اق، ول ەلدە ەپيدەميولوگيالىق ستاتيستيكانىڭ وسۋىنە بايلانىستى ماسكا رەجيمىن ەنگىزۋ قانشالىقتى مۇمكىن ەكەنى تۋرالى پىكىر بىلدىرگەن بولاتىن.

«وزدەرىڭىز بىلەسىزدەر، ەلىمىزدە ەپيدەميولوگيالىق جاعدايدى باقىلايتىن ماتريتسا بار. ەگەر وڭىرلەرىمىز نەمەسە «جاسىل» نەمەسە «قىزىل» ايماقتارعا ەنسە، ءتيىستى سانيتارلىق- ەپيدەميولوگيالىق شارالار قولدانىلادى. قازىرگى جاعدايدا «جاسىل» ايماقتا بولعاندىقتان ونداي شارالار جوق. ال ەگەر «سارى» ايماققا كىرگەن كەيبىر وڭىرلەردە اۋرۋ-سىرقاۋ كوبەيىپ، قانداي دا ءبىر قاۋىپ-قاتەر تۋىنداسا، مينيسترلىك تاراپىنان سانيتالىق- ەپيدەميولوگيالىق دارىگەردىڭ تاراپىنان شارالار قولدانىلادى. بۇگىنگى تاڭدا الاڭداۋعا نەگىز جوق. ءبىراق الداعى كۇنىمىزدى ويلاپ، قانداي دا ءبىرى شارالاردى جوسپارلاپ قويامىز»، - دەدى دەنساۋلىق ساقتاۋ ءمينيسترى.


سوڭعى جاڭالىقتار