جايىق پوپۋلياتسياسىنا جاتاتىن 80 مىڭ باس كيىكتى اتامىز - سەرىكقالي برەكەشيەۆ

None
None
نۇر- سۇلتان. قازاقپارات - ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ جايىق پوپۋلياتسياسىنا جاتاتىن 80 مىڭ باس كيىكتى اتۋ تۋرالى شەشىم قابىلدانعانىن ءمالىم ەتتى، دەپ حابارلايدى قازاقپارات ءتىلشىسى.

«بيولوگيالىق نەگىزدەمە اياقتالدى. عالىمدار كيىك سانىن رەتتەۋدىڭ قاجەتتىلىگى بار دەگەندى ايتىپ وتىر. بۇل جايىق پوپۋلياتسياسىنا قاتىستى بولادى. قازىر بۇل پوپۋلياتسيانىڭ سانى 800 مىڭ باستان اسادى دەسەك، سونىڭ 10 پايىزى، ياعني 80 مىڭ باس كيىك رەتتەۋگە جاتادى»، - دەدى مينيستر ءماجىلىستىڭ پلەنارلىق وتىرىسىنان كەيىن ب ا ق وكىلدەرىنىڭ ساۋالىنا بەرگەن جاۋابىندا.

جۋرناليستەرگە بەرگەن جاۋابىندا سەرىكقالي برەكەشيەۆ كيىك سانىن رەتتەۋ دەپ اتۋ شاراسى ايتىلىپ تۇرعانىن ناقتىلادى. سونداي- اق، ول كيىك سانىن رەتتەۋ شارالارى پوپۋلياتسيالاردىڭ سانىن شەكتەپ ۇستاۋ دەگەندى بىلدىرمەيتىنىن ەسكەرتتى.

«ونىڭ ىشىندە كەيبىر پوپۋلياتسيالاردىڭ سانىن كوبەيتۋ شارالارى دا كوزدەلگەن. رەتتەۋ دەگەن كيىك سانىن ۇستاپ تۇرۋ ەكەنىن قايتالاپ ايتامىن. رەتتەۋ دەگەننەن كەيىن بەلگىلى ءبىر نورمالار بار ەكەنى تۇسىنىكتى. بۇل قاجەت شارا. اۋىل شارۋاشىلىعى جانۋارلارىمەن قايشىلىقتار بولماۋ ءۇشىن وسىلاي ىستەۋ كەرەك. بۇگىنگى تاڭدا باتىس قازاقستان وبلىسىندا كيىكتەر جايىلىمدارعا عانا ەمەس، ەگىن القاپتارىنا دا كىرىپ جاتىر. سوندىقتان ءبىر جاعىنان پروبلەما دا بار. ءتىپتى بيولوگيالىق نەگىزدەمە بويىنشا كيىكتەردىڭ وڭتايلى سانى ەمىن- ەركىن تىرلىك كەشە الاتىن كولەمگە جەتۋى كەرەك. وسى نەگىزدەمەلەردىڭ اياسىندا رەتتەۋ ىسكە اسادى. بۇگىنگى تاڭدا ءبىز 500-گە دەيىن كيىكتى زەرتتەۋ ءۇشىن الامىز»، - دەدى ۆەدومستۆو باسشىسى.


سوڭعى جاڭالىقتار