استاناداعى مەملەكەتتىك ورگان قىزمەتكەرلەرىنىڭ %80 قاشىقتان جۇمىسقا كوشىرىلەدى
جاڭا ەرەجە نۇر-سۇلتان قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆا جاڭا قاۋلىسىندا جازىلعان.
«وندىرىستىك قاجەتتىلىككە بايلانىستى، مەنشىك نىسانىنا قاراماستان، مەملەكەتتىك ورگانداردىڭ (ۇيىمداردىڭ)، ۇلتتىق كومپانيالاردىڭ، كاسىپورىنداردىڭ اكىمشىلىك پەرسونالىنىڭ كەمىندە %80 ىن قاشىقتان جۇمىس تۇرىنە كوشىرۋ. قىزمەتكەرلەردى COVID-19 عا قارسى ۆاكسيناتسيالاۋ جۇرگىزىلگەن جاعدايدا قىزمەت قاشىقتىقتان جانە كۇندىزگى جۇمىس فورماتىندا جۇمىس ىستەيتىن قىزمەتكەرلەردىڭ پايىزدىق اراقاتىناسى بويىنشا تالاپتاردى ەسكەرۋسىز جۇزەگە اسىرىلادى»، - دەلىنگەن قاۋلىدا.
بۇل رەتتە سوڭعى 3-6 اي ىشىندە COVID-19 عا قارسى ۆاكسيناتسيالاۋدىڭ تولىق كۋرسىن العان جانە COVID-19 بەن اۋىرىپ جازىلعان بارلىق قىزمەتكەرلەردىڭ كۇندىزگى رەجيمدە جۇمىس ىستەۋىنە جول بەرىلەدى.
ەسكە سالساق، نۇر-سۇلتاندا 27- ماۋسىمنان كارانتين كۇشەيتىلمەك.