+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

باسپاناعا مۇقتاج وتباسىلارعا پاتەر جالداۋ اقىسى 80 پايىزعا دەيىن سۋبسيديالانباق

5 ناۋرىز 17:29
:ءبولىسۋ
باسپاناعا مۇقتاج وتباسىلارعا پاتەر جالداۋ اقىسى 80 پايىزعا دەيىن سۋبسيديالانباق

نۇر- سۇلتان. قازاقپارات - ەلىمىزدە باسپاناعا مۇقتاج وتباسىلارعا جەكە تۇرعىن ءۇي قورىنداعى جالداۋ اقىسىن مەملەكەتتىك قاراجات ەسەبىنەن 80 پايىزعا دەيىن سۋبسيديالاۋ جوسپارلانعان.

بۇل جايىندا ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترىنىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«بۇگىنگى كۇنى «شاڭىراق» جەڭىلدەتىلگەن يپوتەكالىق باعدارلاماسى پيلوتتىق رەجيمدە (2020-2022 -جىلدارى) ىسكە اسىرىلىپ جاتىر. وعان تۇرعىن ۇيگە مۇقتاجدار ەسەبىندە تۇرعان ازاماتتار عانا، ياعني جەرگىلىكتى اتقارۋشى ورگانداردا كەزەكتە تۇرعان ادامدار قاتىسا الادى. 2020 -جىلدان باستاپ وسى باعدارلاما بويىنشا 18 مىڭ ءوتىنىم كەلىپ ءتۇستى. ونىڭ ىشىندە بۇگىنگى كۇنى 6,7 مىڭعا جۋىعى ماقۇلداندى»، - دەدى اسقار مامين.

ونىڭ اتاپ وتۋىنشە، «شاڭىراق» باعدارلاماسى اياسىندا يپوتەكا بويىنشا سىياقى مولشەرلەمەسى جىلدىق 5 پايىزدى قۇرايدى جانە بۇل ەڭ تومەن مولشەرلەمەلەردىڭ ءبىرى بولىپ تابىلادى. باعدارلاماعا قاتىسۋشىلارعا قويىلاتىن تالاپتاردىڭ ءبىرى - ەڭبەك قىزمەتىنەن تۇسەتىن تابىستىڭ بولۋى (وتباسىنىڭ ءاربىر مۇشەسىنە ەڭ تومەنگى كۇنكورىس دەڭگەيىنىڭ 3,7 ەسەلەنگەن مولشەرىنەن اسپايتىن). بۇل تالاپ اسا مۇقتاج كەزەكتە تۇرعان ادامداردى قولجەتىمدى تۇرعىن ۇيمەن قامتاماسىز ەتۋ ماقساتىندا بەلگىلەنگەن.

«يپوتەكالىق كرەديت بەرۋ قارجى ينستيتۋتتارى ءۇشىن جوعارى تاۋەكەلدى قۇرالدار بولىپ سانالادى. قارىز الۋشىنىڭ ەڭبەك قىزمەتىنىڭ كىرىستەرى بويىنشا تولەم قابىلەتتىلىگىن باعالاۋ مىندەتتەمەلەردى ۋاقتىلى ورىنداۋ ءۇشىن كەپىلگەر بولىپ ەسەپتەلەدى جانە قارجى ينستيتۋتتارىنىڭ كرەديتتىك پورتفەلىندەگى قارىزداردىڭ «جۇمىس ىستەمەيتىن» تاۋەكەلدەرىن بولدىرمايدى.

«شاڭىراق» پيلوتتىق جوباسىن ىسكە اسىرۋ ءۇشىن «وتباسى بانك» ا ق قاراجاتىن ۇلتتىق بانك قايتارىمدى جانە اقىلى نەگىزدە ۇسىندى. بۇل ءوز مىندەتتەمەلەرىن ورىنداۋعا قابىلەتتى قارىز الۋشىلاردى ىرىكتەۋدى تالاپ ەتەدى. جوعارىدا ايتىلعاندارعا سۇيەنە وتىرىپ، كىرىستەردى قۇجاتتىق راستاۋسىز ازاماتتاردىڭ تولەم قابىلەتتىلىگىن تەكسەرۋ مۇمكىن ەمەس»، - دەدى ول.

سونىمەن قاتار ۇكىمەت باسشىسى قازىرگى ۋاقىتتا كەزەكتە تۇرعان ادامداردى تۇرعىن ۇيمەن قامتاماسىز ەتۋ ماسەلەلەرىن ءتيىمدى شەشۋ ماقساتىندا مەملەكەت باسشىسىنىڭ تاپسىرماسىمەن وتباسىنىڭ ءاربىر مۇشەسىنە 1 ەڭ تومەنگى كۇنكورىس دەڭگەيىنە دەيىنگى تابىسى بار مۇقتاج كەزەكتە تۇرعان ادامدار ءۇشىن جەكە تۇرعىن ءۇي قورىندا جالداۋ اقىسىن سۋبسيديالاۋ تەتىگىن ەنگىزۋ ماسەلەسى پىسىقتالىپ جاتقانىن ايتادى.

«وسىلايشا، جەكە تۇرعىن ءۇي قورىنداعى جالداۋ اقىسىن مەملەكەتتىك قاراجات ەسەبىنەن 80 پايىزعا دەيىن سۋبسيديالاۋ جوسپارلانعان. مىسالى، نارىقتا جالداۋ اقىسى 100 مىڭ تەڭگە بولعان جاعدايدا، 1 ەڭ تومەنگى كۇنكورىس دەڭگەيىنە دەيىنگى تابىسى بار كەزەكتە تۇرعان ادامدارعا اي سايىن جالداۋ اقىسى ەسەبىنە 80 مىڭ تەڭگە كولەمىندە سۋبسيديا بەرىلەدى. سونداي- اق زاڭناماعا قاجەتتى تۇزەتۋلەر قابىلدانعاننان كەيىن «وتباسى بانك» ا ق ورتالىقتاندىرىلعان تۇردە تۇرعىن ۇيگە مۇقتاج ادامداردى كەزەككە قويۋدى جانە ەسەپكە الۋدى جۇزەگە اسىراتىن، سونداي- اق «قولجەتىمدىلىك ساتىلارىنا» سايكەس كەزەكتە تۇرعان ادامدار ءۇشىن تۇرعىن ءۇيدى باسىم تۇردە ۇسىناتىن بولادى»، - دەدى اسقار مامين.

پرەمەر- ءمينيستردىڭ اتاپ وتۋىنشە، ول ءۇشىن ءاربىر وتىنىمگە كىرىستەردى، مۇلىك پەن اكتيۆتەردى اشاتىن وتباسىنىڭ تسيفرلىق پورترەتى قالىپتاستىرىلادى. وسىلايشا، بۇل ءتاسىل حالىق ءۇشىن مەملەكەتتىك قولداۋدىڭ اتاۋلىعىن قامتاماسىز ەتۋگە جانە تۇرعىن ءۇي الۋعا مۇقتاج ادامداردىڭ بارلىق ساناتتارىن قامتۋعا مۇمكىندىك بەرەدى»، - دەدى اسقار مامين.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات