22:53, 29 - قىركۇيەك 2020 | GMT +6
قۋات «نايمان» حاميتوۆ وزىنەن 80 كەلى اۋىر اتىشۋلى رەسەيلىك سپورتشىمەن جۇدىرىقتاسادى
نۇر-سۇلتان. قازاقپارات - قازاقستاندىق فايتەر قۋات حاميتوۆ جەلتوقسان ايىندا رەسەيلىك اتىشۋلى سپورتشى ۆياچەسلاۆ داتسيكپەن جەكپە-جەككە شىعادى.
«جەلتوقسان ايىنىڭ اياعىنا تامان سۋپەر جەكپە-جەك وتەدى. داتسيك ماعان قارسى، سۋپەراۋىر سالماقتا، الماتىداعى شوۋدىڭ باستى جەكپە-جەگىندە. قازاقستاندا جاڭا پروموۋشەن اشىلادى Ataman Fighting Championship. ولارعا جارناما كەرەك. مەن ولارعا ۇسىنىس جاسادىم، كاميل گادجيەۆپەن سويلەستىم، FIGHT NIGHTS- پەن بىرگە تۋرنير وتكىزەيىك دەپ. ءبارى كەلىسىپ وتىرعان سياقتى.
ەستۋىمشە داتسيك دايىن، مەن دە دايىنمىن. سالماق ايىرماشىلىعى 80 كەلى. ول قاشپايتىن شىعار دەپ ويلايمىن. قازىر 21- عاسىر، ال 21- عاسىردا ءبارى شوۋ تاماشالىعىسى كەلەدى. ەندەشە شوۋ جاسايىق»، - دەيدى حاميتوۆ «ۋشاتايكا» Youtube ارناسىنا بەرگەن سۇحباتىندا.
داتسيك 2019-جىلى ەستونيامەن شەكارانى زاڭسىز كەسىپ وتپەك بولعانى ءۇشىن سوتتالعان ەدى. سپورتشى جىل سوڭىندا بوستاندىققا شىعۋى ءتيىس.