10:46, 14 - تامىز 2020 | GMT +6
كوروناۆيرۋسپەن اۋىرعان 80 قازاقستاندىق وكپەنى جاساندى جەلدەتۋ اپپاراتىنا قوسىلعان
نۇر-سۇلتان. قازاقپارات - 14- تامىزدا كوروناۆيرۋس ينفەكتسياسىمەن اۋىرعاندارعا قاتىستى اقپارات جاريالاندى، دەپ حابارلايدى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياعا سىلتەمە جاساپ.
«قازىرگى ۋاقىتتا كوروناۆيرۋس ينفەكتسياسىنان 21859 ادام ەم قابىلداۋدى جالعاستىرۋدا. ولاردىڭ اراسىندا 104 بالا بار. ستاتسيونارلاردا 3738 ناۋقاس جاتىر. 18121 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 420 ادامنىڭ جاعدايى ناشار. سونىڭ ىشىندە 103 ناۋقاستىڭ جاعدايى اسا قاتتى اۋىر. 80 ناۋقاس وكپەنى جاساندى جەلدەتۋ اپپاراتىندا جاتىر»، دەلىنگەن حابارلامادا.