قىزىلوردادا ناۋقاستاردىڭ 80 پايىزى كوروناۆيرۋس دەرتىنەن ايىقتى
بۇگىنگى كۇنگە دەيىن قىزىلوردا وبلىسىندا كوروناۆيرۋس ينفەكتسياسىمەن 3199 ادام تىركەلگەن. ونىڭ ىشىندە قىزىلوردا قالاسىنان -1920، ارالدان - 114، قازالىدان - 101، قارماقشىدان - 137، جالاعاشتان - 111، سىرداريادان - 180، شيەلىدەن - 283، جاڭاقورعان اۋدانىنان - 353 ادام قاتەرلى ىندەتكە شالدىققان.
كەشە، 12- تامىزدا كوروناۆيرۋس ينفەكتسياسىمەن 4 جاعداي انىقتالدى ونىڭ 3 ءۋى قىزىلوردا قالاسىنان بولسا، 1 دەرەك شيەلى اۋدانىنان تىركەلدى. ولاردىڭ 4 ەۋى دە سكرينينگتىك تەكسەرۋدەن انىقتالعان. جالپى ەمدەلىپ شىققان ناۋقاستار سانى - 2556.
ول وبلىس بويىنشا ىندەتتى جەڭگەن ناۋقاستاردىڭ 80 پايىزىن قۇرايدى. سونداي-اق، قىزىلوردا وبلىسىندا تۇرعىنداردىڭ جەدەل جاردەم قىزمەتىنە جۇگىنۋ جاعدايى دا قالىپقا ءتۇستى. قازىر اتالعان قىزمەتكە جۇكتەمە ىندەتكە دەيىنگى كۇندەلىكتى شاقىرتۋ قابىلداۋ دەڭگەيىنە ءتۇسىپ وتىر. ياعني احۋال تۇراقتالىپ، شاقىرتۋ سانى دا ازايدى. شاقىرتۋلار سانى ىندەت ورشىگەن ماۋسىم-شىلدە ايلارىمەن سالىستىرعاندا %56,8 عا تومەندەدى. ونىڭ ىشىندە تىنىس الۋ جولدارىنىڭ اۋرۋلارى 6 ەسەگە كەمىدى. شاقىرتۋ سانى كوبەيگەن تۇستا ول كۇندەلىكتى 1000 نان استام جاعدايدى قۇراعان ەدى. بۇگىندە شامامەن 150-170. سونداي-اق، جاڭاقورعانداعى اۋرۋحانانىڭ ينفەكتسيالىق بولىمىنەن سوڭعى ناۋقاس ەمدەلىپ شىقتى.