ەلباسى مەرەيلى 80 جاسقا تولدى
نۇرسۇلتان ءابىش ۇلى نازاربايەۆ 1940 -جىلعى 6 - شىلدەدە الماتى وبلىسى، قاسكەلەڭ اۋدانى، شامالعان اۋىلىندا دۇنيەگە كەلگەن. 1967 -جىلى قاراعاندى مەتاللۋرگيا كومبيناتى جانىنداعى جوعارى تەحنيكالىق وقۋ ورنىن بىتىردى. ەكونوميكا عىلىمدارىنىڭ دوكتورى. قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى. ءبىرقاتار شەت مەملەكەتتەر مەن ەلىمىزدىڭ جەتەكشى ۋنيۆەرسيتەتتەرىنىڭ قۇرمەتتى پروفەسسورى جانە دوكتورى. كوپتەگەن كىتاپتار مەن عىلىمي ماقالالاردىڭ اۆتورى.
1960-1969 -جىلدارى قاراعاندى مەتاللۋرگيا زاۋىتىندا جۇمىس ىستەدى. 1969-1973 -جىلدارى قاراعاندى وبلىسى تەمىرتاۋ قالاسىنداعى پارتيا- كومسومول جۇمىستارىندا جاۋاپتى قىزمەتتەر اتقاردى. 1973-1977 -جىلدارى - قاراعاندى مەتاللۋرگيا كومبيناتىنىڭ پارتكوم حاتشىسى. 1977-1979 -جىلدارى - قاراعاندى وبلىستىق پارتيا كوميتەتىنىڭ حاتشىسى، 2-حاتشىسى.
1979-1984 -جىلدارى - قازاقستان ك پ ورتالىق كوميتەتىنىڭ حاتشىسى. 1984-1989 -جىلدارى - قازاق ك س ر مينيسترلەر كەڭەسىنىڭ ءتوراعاسى. 1989-1991 -جىلدارى - قازاقستان ك پ و ك بىرىنشى حاتشىسى، 1990 -جىلعى اقپان- ءساۋىر ارالىعىندا قازاق ك س ر جوعارى كەڭەسىنىڭ ءتوراعاسى. 1990 -جىلدىڭ ساۋىرىنەن قازاقستان رەسپۋبليكاسىنىڭ پرەزيدەنتى بولدى.
1991 -جىلدىڭ 1- جەلتوقسانىندا تۇڭعىش رەت قازاقستان پرەزيدەنتىنىڭ جالپى حالىقتىق سايلاۋى ءوتتى. سايلاۋ ناتيجەسىندە نۇرسۇلتان ءابىش ۇلى نازاربايەۆ باسىم داۋىسپەن (98,7 پايىز) جەڭىسكە جەتتى. 1995 -جىلدىڭ 29 - ساۋىرىندە جالپى حالىقتىق رەفەرەندۋم ناتيجەسىندە قازاقستان رەسپۋبليكاسى پرەزيدەنتى ن. ءا. نازاربايەۆتىڭ وكىلەتتىگى 2000 -جىلعا دەيىن ۇزارتىلدى. 1999 -جىلدىڭ 10 - قاڭتارىندا وتكەن بالامالى سايلاۋدىڭ ناتيجەسىندە ن. نازاربايەۆ 79,78 پايىز داۋىس الىپ، قازاقستان رەسپۋبليكاسى پرەزيدەنتى بولىپ قايتا سايلاندى.
2011 -جىلدىڭ 3 - ساۋىرىندە سايلاۋشىلاردىڭ 95,5 پايىز داۋىسىمەن قازاقستان رەسپۋبليكاسىنىڭ پرەزيدەنتى بولىپ قايتا سايلانعان- دى. 2015 -جىلعى 26 - ساۋىردە وتكەن كەزەكتەن تىس سايلاۋدا دا ايقىن جەڭىسكە جەتتى.
2019 -جىلعى 19 - ناۋرىزدا نۇرسۇلتان نازاربايەۆ «قازاقستان رەسپۋبليكاسى پرەزيدەنتىنىڭ وكىلەتتىگىن اتقارۋ تۋرالى» № 887 جارلىققا قول قويىپ، پرەزيدەنت لاۋازىمىنان ءوز ەركىمەن كەتتى. ءدال وسى جارلىققا سايكەس، 2019 -جىلعى 20 - ناۋرىزدان باستاپ قازاقستان رەسپۋبليكاسى پرەزيدەنتىنىڭ وكىلەتتىگى قالعان مەرزىمگە قازاقستان رەسپۋبليكاسى پارلامەنتى سەناتىنىڭ ءتوراعاسى - قازىرگى مەملەكەت باسشىسى قاسىم- جومارت توقايەۆقا قازاقستان حالقىنا انت بەرگەن ساتىنەن باستاپ كوشكەن ەدى.
اۆتور: مارلان جيەمباي