اتىراۋدا ءابىش كەكىلبايەۆتىڭ 80 جىلدىعىنا ارنالعان رەسپۋبليكالىق كونفەرەنسيا ءوتتى

None
None
اتىراۋ. قازاقپارات - اتىراۋدا قازاقستاننىڭ حالىق جازۋشىسى، كورنەكتى قوعام جانە مەملەكەت قايراتكەرى ءابىش كەكىلبايەۆتىڭ ءومىرى مەن شىعارماشىلىعىنا ارنالعان رەسپۋبليكالىق عىلىمي-پراكتيكالىق كونفەرەنسيا «رۋحاني جاڭعىرۋ» باعدارلاماسى اياسىندا ۇيىمداستىرىلدى، دەپ حابارلايدى قازاقپارات ءتىلشىسى.

القالى جيىندا قارىمدى قالامگەردىڭ ءومىرى مەن تۋىندىلارى كەڭىنەن سارالاندى.

ءوز زامانىندا ءابىش كەكىلبايەۆ  قازاق ادەبيەتى مەن رۋحانياتىنىڭ دامۋىنا زور ۇلەس قوسىپ، شەكسپير، چەحوۆ، تولستوي شىعارمالارىن قازاق تىلىنە اۋدارعان. سايكەسىنشە، ونىڭ تۋىندىلارى دا الەمنىڭ كوپتەگەن تىلدەرىندە جارىق كوردى.

«مەن ومىردە جولىم بولعان اداممىن، ويتكەنى، ابىشتەي زاڭعار تۇلعانى جەكە تانىدىم. ونىڭ بىرنەشە شىعارماسىن جولداسىم ەكەۋمىز ماجار تىلىنە اۋدارعان بولاتىنبىز. ءابىشتىڭ جازۋ شەبەرلىگىنە شىعارماسى جازىلعان كىتاپتاردىڭ ءار پاراعى دالەل بولا الادى. ول ءوز زامانىنىڭ وزىق جازۋشىسى بولا ءبىلدى»، - دەيدى بۋداپەشتتەگى قازاق دياسپوراسىنىڭ ءتوراعاسى وڭايشا ماندوكي.

ايتا كەتەيىك، رەسپۋبليكالىق عىلىمي-پراكتيكالىق كونفەرەنسياعا بەلگىلى پروفەسسورلار، قوعام قايراتكەرلەرى، عالىمدار مەن جۋرناليستەر قاتىستى.

سوڭعى جاڭالىقتار