+7 (701) 759 90 19
-14 °С : نۇر-سۇلتان
0 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

كوكشەتاۋدا 80 وقۋشىنىڭ «ۋلانۋ» سەبەبى انىقتالدى

13 قاراشا 08:58
:ءبولىسۋ
كوكشەتاۋدا 80 وقۋشىنىڭ «ۋلانۋ» سەبەبى انىقتالدى

كوكشەتاۋ. قازاقپارات - كوكشەتاۋ قالالىق №2 -ورتا مەكتەپ ليتسەيىنىڭ 80 وقۋشىسىنىڭ اۋىرىپ قالۋ سەبەبى انىقتالدى، دەپ حابارلايدى قازاقپارات ءتىلشىسى.

اقمولا وبلىسى بويىنشا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە، بالالار ىشەك ينفەكتسياسى ۆيرۋسىن جۇقتىرعان بولىپ وتىر.

«تاماقتان ۋلانۋ راستالمادى. 80 وقۋشىنىڭ بارلىعى سول كۇنى اسحانادان تاماقتانعان جوق. اتا- انالارىنىڭ سوزىنشە، ىشەك اۋرۋلارىنىڭ بەلگىلەرى بايقالدى. وسى رەتتە، ايتا كەتۋ كەرەك، قازىرگى كەزدە ۆيرۋستى جۇقپانىڭ ماۋسىمى. ءبىرقاتار جۇقپا اۋرۋلارى ءىش ءوتۋ، قۇسۋ، باس اينالۋ، جۇرەك اينۋ تۇرىندە بايقالادى. سونىمەن قاتار، مەكتەپ بولمەلەرى مەن جەرتولەلەرىندە زياندى زاتتارعا ساراپتاما جۇرگىزىلدى. ونىڭ ناتيجەسى بويىنشا زياندى زاتتار تابىلمادى. قاراشانىڭ 9 جانە 10-كۇندەرى مەكتەپتە ديزەنفەكسيا جۇرگىزىلىپ، سۇزگى ۇيىمداستىرىلدى.

بۇگىنگى تاڭدا مەكتەپتىڭ تاماقتانۋ بلوگى ۋاقىتشا توقتاتىلدى. تەكسەرىس كەزىندە ءبىرقاتار ەرەجە بۇزىلۋشىلىقتار انىقتالدى. ونىڭ ىشىندە ءبىر اسپازدىڭ مەديتسينالىق تەكسەرىستەن وتپەگەنى، تاماقتانۋ بلوگى يەسىنىڭ مەديتسينالىق كىتاپشاسى، ساتىپ الىنعان سۋسىندار مەن شىرىنداردىڭ سەرتيفيكاتتارى بولماعان»، - دەدى دەپارتامەنت ماماندارى.

جالپى وقۋشىلاردىڭ جاعدايلارى جان-جاقتى باقىلاۋعا الىنعان. كۇن سايىن ساباققا كەلمەگەن وقۋشىلارعا مونيتورينگ جۇرگىزىلۋدە. مەكتەپ بويىنشا كۇنىنە ورتا ەسەپپەن 2 مىڭنان استام وقۋشىنىڭ 90 نى ءتۇرلى سەبەپتەرمەن ساباقتا بولمايدى ەكەن.

اقمولا وبلىستىق بالالاردىڭ جۇقپالى اۋرۋلار اۋرۋحاناسىنىڭ مەڭگەرۋشىسى ۆيكتوريا پيچكۋنوۆانىڭ ايتۋىنشا، قازىرگى كەزدە ەم الىپ جاتقان بالالاردىڭ جاعدايى جاقسى.

«اۋرحانادا بولعان ءۇش كۇنننىڭ ىشىندە بالالاردىڭ جاعدايى جاقساردى. ەشقايسىسىنىڭ دا قىزۋى كوتەرىلىپ تۇرعان جوق. تاماقتارىن ىشۋدە، وزدەرىن جاقسى سەزىنەدى. بالالار ۆيرۋسولوگيا بويىنشا - ىشەك جۇقپاسى مەن باكتەريالدى جۇقپانىڭ بارلىق تۇرىنە جان - جاقتى تەكسەرىلۋدە. بالالاردىڭ جۇقپالى اۋرۋلار اۋرۋحاناسىنا قالالىق №2 ورتا مەكتەپ ليتسەيىنەن 14 وقۋشى جۇگىندى، قالعان بالالار تەكسەرۋدەن كەيىن ۇيلەرىنە جىبەرىلدى»، - دەپ ءتۇسىندىردى ۆيكتوريا پيچكۋنوۆا.

ال، كوكشەتاۋ قالالىق ءبىلىم ءبولىمىنىڭ باسشىسى بەيبىت ءجۇسىپوۆ الەۋمەتتىك جەلىدە 250 بالانىڭ ۋلانعانى تۋرالى اقپارات شىندىققا جاناسپايتىندىعىن جەتكىزدى.

«ىشەك ۆيرۋسى بەلگىلەرى 80 وقۋشىدا بايقالدى. ونىڭ 14 دارىگەرگە جۇگىندى. قازىرگى كەزدە، 80 وقۋشىنىڭ 37 عانا مەكتەپكە بارمايدى. سوندىقتان، كارانتين جاريالاۋدىڭ قاجەتى جوق، مەكتەپتە ساباق شتاتتىق رەجيمدە جۇرگىزىلۋدە»، - دەدى قالالىق ءبىلىم ءبولىمىنىڭ باسشىسى.

ەسكە سالا كەتەيىك، وسىعان دەيىن حابارلاعانىمىزداي، 2019 -جىلعى 7 -قاراشادا كوكشەتاۋ قالالىق №2 -ورتا مەكتەپ ليتسەيىنىڭ 80 وقۋشىسى باس اۋرۋى جانە جۇرەك اينۋى شاعىمىمەن ساباققا بارماعان بولاتىن.

اۆتور: اسلان وسپانوۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات