+7 (701) 759 90 19
-21 °С : نۇر-سۇلتان
-6 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

تارازدا ورتەنگەن ءۇيدىڭ 80 تۇرعىنى مەكتەپ-ينتەرناتقا ورنالاستىرىلدى

17 قازان 09:46
:ءبولىسۋ
تارازدا ورتەنگەن ءۇيدىڭ 80 تۇرعىنى مەكتەپ-ينتەرناتقا ورنالاستىرىلدى

تاراز. قازاقپارات - تارازدا شاتىرى ورتەنگەن كوپقاباتتى ءۇيدىڭ تۇرعىندارى ۋاقىتشا مەكتەپ- ينتەرناتقا ورنالاستىرىلدى، دەپ حابارلايدى قازاقپارات ءتىلشىسى.

جانىپ جاتقان ۇيدەن ەۆاكۋاتسيالانعان 80 ادام، سونىڭ ىشىندە 20 بالا «زاعيپ جانە ناشار كورەتىن بالالارعا ارنالعان «بولاشاق» ارنايى مەكتەپ- ينتەرناتىنا» جايعاستىرىلىپ، ىستىق تاماقپەن قامتاماسىز ەتىلۋدە.


بۇعان دەيىن حابارلاعانىمىزداي، قالانىڭ 2- شاعىن اۋدانىندا ورنالاسقان بەس قاباتتى ۇيدە ءورت بۇگىن، ساعات 15.30 شاماسىندا شىقتى. العاشقى ءورت سوندىرۋشىلەر جەتكەن ساعات 15.34 تە 100 شارشى مەتر اۋماقتا ءۇيدىڭ شاتىرى جانىپ جاتقان ەدى. جالىننىڭ تارالۋى 16.41 دە توقتاتىلىپ، 16.56 دا تولىعىمەن اۋىزدىقتالدى.


«ءورتتىڭ شارپىعان اۋماعى 840 شارشى مەتردى قۇرادى. پاتەرلەرگە زاقىم كەلگەن جوق، ادام شىعىنى، زارداپ شەككەندەر جوق. جەدەل تەكسەرۋ توبى قۇرىلىپ، ءورتتىڭ نەدەن بولعانىن انىقتاۋدا» ، - دەيدى وبلىستىق توتەنشە جاعدايلار دەپارتامەنتى باستىعىنىڭ ورىنباسارى تالعات سابيروۆ.

كوپپاتەرلى ءۇيدىڭ جانىنان قۇتقارۋشىلاردىڭ جەدەل شتابى جاساقتالدى.

تۇرعىن ءۇي عيماراتى وسىدان 40 جىل بۇرىن بوي كوتەرگەن. وندا 80 پاتەر بار.

«تۇرعىندار قاۋىپسىز، ۋاقىتشا باسپانامەن قامتىلدى. سەبەبى بۇل ءۇي جارىقتان، گازدان بارلىعىنان وشىرىلگەن. سۋدىڭ قاي قاباتقا دەيىن ءوتىپ كەتكەنىن بىلمەيمىز. ەلەكتر قۇرىلعىلاردىڭ قانداي جاعدايدا ەكەنى بەلگىسىز. سونىڭ ءبارىن زەرتتەپ بولعاسىن شەشىم قابىلدايمىز. قالالىق ءماسليحاتتىڭ سەسسياسىندا ءۇيدىڭ شاتىرى مەن ورتتەن بولعان باسقا دا شىعىندارعا زاڭ اياسىندا ءتيىستى قاراجات قاراستىرىلادى. قالىپقا كەلتىرۋ جۇمىستارى ەرتەڭنەن باستالادى»، - دەدى تاراز قالاسى اكىمىنىڭ ورىنباسارى بەيسەنبەك جانبوسىنوۆ.

ءتىلسىز جاۋدى سوندىرۋگە ت ج د-نىڭ جەكە قۇرامىنان 46 ادام جانە 9 ءورت ءسوندىرۋ تەحنيكاسى جۇمىلدىرىلدى.


اۆتور: عيبرات سەمباي


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات