+7 (701) 759 90 19
-1 °С : نۇر-سۇلتان
-2 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ۇلىتاۋ اۋدانىنىڭ 80 جىلدىعى اتالىپ ءوتتى

15 قازان 16:48
:ءبولىسۋ
ۇلىتاۋ اۋدانىنىڭ 80 جىلدىعى اتالىپ ءوتتى

ۇلىتاۋ. قازاقپارات - ۇلىتاۋ اۋدانىندا اقىن تايجان قالماعامبەتوۆتىڭ 140 جىلدىعىنا جانە ۇلىتاۋ اۋدانىنىڭ 80 جىلدىعىنا ارنالعان مەرەكەلىك ءىس- شارالار ءوتتى، دەپ حابارلايدى قاراعاندى وبلىسى اكىمدىگىنىڭ باسپا ءسوز قىزمەتى.

«رۋحاني جاڭعىرۋ» باعدارلاماسى اياسىندا ۇيىمداستىرىلعان سالتاناتتى شاراعا ق ر پارلامەنتى سەناتىنىڭ دەپۋتاتى رىسقالي ابدىكەروۆ قاراعاندى وبلىسى اكىمىنىڭ ورىنباسارى ابزال نۇكەنوۆ، ۇلىتاۋ اۋدانىنىڭ اكىمى بەرىك ءابدىعالي ۇلى، سونداي- اق قوناقتار مەن جەرگىلىكتى تۇرعىندار قاتىستى.

مەرەيتويلىق داتالار قۇرمەتىنە مەرەكەگە قاتىسۋشىلار اۋداننىڭ ورتالىق ساياباعىندا شىرشا وتىرعىزدى. كورەرمەندەر ءۇشىن ۇلىتاۋ اۋدانىنىڭ مادەنيەت ءۇيىنىڭ ارتىستەرى، جەزقازعان مەن ساتبايەۆ قالالارىنىڭ شىعارماشىلىق ۇجىمدارى ونەر كورسەتتى.

سونداي- اق، مەرەكە اياسىندا تايجان قالماعامبەتوۆتىڭ «تايجان ىزىمەن» رەسپۋبليكالىق ءان بايقاۋى جانە قازاق كۇرەسىنەن جارىس ءوتتى.


«تايجان ىزىمەن» بايقاۋىندا جاڭاارقا اۋدانىنان ج. سىزدىقوۆ باس جۇلدەنى يەلەندى. جەڭىمپازعا ءبىر ميلليون تەڭگە اقشالاي سەرتيفيكات بەرىلدى. ءبىرىنشى ورىندى قىزىلوردالىق ب. ءابدىماجيتوۆ جەڭىپ الدى. ەكىنشى ورىندى قىزىلوردا قالاسىنان كەلگەن ي. داۋلەتحان يەلەندى. ءۇشىنشى ورىن جەزقازعان قالاسىنىڭ ءانشىسى م. شوقتايەۆعا بەرىلدى. بارلىق قاتىسۋشىلار ديپلومدارمەن جانە اقشالاي سەرتيفيكاتتارمەن ماراپاتتالدى.

«شەبەر ورىنداۋشى» نوميناتسياسى بويىنشا ج. بيجىگىتوۆ جەڭىمپاز اتاندى، ال «دارىپتەۋشى» نوميناتسياسى بويىنشا س. قيساتوۆا ۇزدىك اتاندى. ورىنداۋشىلار 100000 تەڭگەدەن الدى.


قازاق كۇرەسىنەن 70 كەلىگە دەيىنگى سالماق دارەجەسىندە ە. تولەش جەڭىمپاز اتاندى. ەكىنشى ورىندى ا. ماۋلەنين يەلەندى. ءۇشىنشى ورىنعا ن. ساعىنتاي يە بولدى. ابسوليۋتتىك سالماق دارەجەسىندە ج. قۇدايبەرگەن جەڭىسكە جەتتى، ەكىنشى ورىندا - ا. ەسەنقابىل ، ءۇشىنشى ورىندا - ب. الشىنبەك.


مەرەكە قازاقستاندىق ەسترادا جۇلدىزدارىنىڭ قاتىسۋىمەن گالا- كونتسەرتپەن اياقتالدى. ساحنادا ءومىرزاق اينيازوۆ، بەيبىت كۇشقاليەۆ، سيۆي ماحمۋدي جانە نۇرجان كەرمەنبايەۆ ونەر كورسەتتى.



باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات