تەرروريزمنەن ادا الەمگە قول جەتكىزۋ كودەكسىنە 80 ەل قوسىلدى
جۋىردا بۇل قۇجاتقا كاريب تەڭىزىندەگى سەنت- ۆينسەنت پەن گرەنادين مەملەكەتىنىڭ وكىلدەرى قول قويعان. وسىلايشا لاڭكەستىككە قارسى جاھاندىق كواليتسيا قاتارى كەڭەيىپ كەلەدى. قازاقستاندىق كودەكستىڭ ەرەكشەلىگى، ول تۇسىنىكتى 10 قاعيداتتان تۇرادى. ونىڭ ىشىندە لاڭكەستىك ارەكەتتەر جاساۋ ءۇشىن ءوز اۋماعىن قولدانۋعا بەرمەۋ، وسى زۇلىمدىققا قارسى جۇيەلى مەملەكەتتىك ءارى قوعامدىق ساياسات قالىپتاستىرۋ باپتارىن اتاۋعا بولادى.
موحامەد يدريس، ب ۇ ۇ جانىنداعى ەگيپەتتىڭ تۇراقتى وكىلى:
- بۇل – ب ۇ ۇ- عا مۇشە بۇكىل ەلدەر ءۇشىن ماڭىزدى ماسەلە. قازىر تەرروريزم بارىمىزگە قاۋىپ ءتوندىرىپ تۇر جانە ەرتەڭگى كۇنىمىزگە دە كولەڭكەسىن ءتۇسىرىپ، الاڭداۋىمىزعا نەگىز بولىپ وتىر. جاھاندىق دەڭگەيدەگى مۇنداي قاتەرگە بۇكىل الەم بىرىگىپ توتەپ بەرە الادى دەگەن ۇستانىم بار. ەشبىر مەملەكەت جەكە دارا تەرروريزممەن كۇرەسە المايدى. سوندىقتان دا قازاقستاندىق باستامانىڭ ماڭىزى زور دەر ەدىم.
www.24.kz