+7 (701) 759 90 19
8 °С : نۇر-سۇلتان
9 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

ارىستا 80 جاستاعى كەيۋانا ءبىر جارىم تاۋلىكتى توتەنشە اۋماقتا وتكىزگەن

26 ماۋسىم 13:40
:ءبولىسۋ
ارىستا 80 جاستاعى كەيۋانا ءبىر جارىم تاۋلىكتى توتەنشە اۋماقتا وتكىزگەن

نۇر-سۇلتان. قازاقپارات - ۇلتتىق ۇلان ساربازدارى ارىستا قورعانسىز قالعان 80 جاستاعى اجەنى قۇتقاردى، دەپ حابارلايدى قازاقپارات ءتىلشىسى.

«25 -ماۋسىم كۇنى ساعات 15.30 كەزىندە ارىس ەلدىمەكەنىندە قوعامدىق ءتارتىپتى قاداعالاعان ۇلتتىق ۇلاننىڭ اسكەري قىزمەتشىلەرى - پاترۋلدە جۇرگەن قاتارداعى جاۋىنگەرلەر د. اۋدانبايەۆ پەن ج. تولەۋباي ايتەكە بي كوشەسىمەن كەلە جاتىپ، اۋلالاردىڭ بىرىنەن ەگدە ادامنىڭ داۋىسىن ەستىپ قالادى. اۋلاعا كىرگەننەن كەيىن ولار 80 جاستاعى اجە - كراۆچەنكو توميس فەدوروۆنانىڭ جۇرگەنىن كورگەن. ەگدە ادام قورعانسىز قالىپ، جان-جاعىنان كومەك سۇراپ ءجۇر ەكەن. ونىڭ دەنساۋلىعىنىڭ جاعدايى مەن ءمان-جايدى انىقتاعانشا، ونىڭ كۇيى كۇرت اۋىرلاي تۇسكەن»، - دەپ حابارلادى ق ر ۇلتتىق ۇلان باسپا ءسوز قىزمەتىنەن.

ۇلتتىق ۇلاندىقتار بىردەن جەدەل جاردەم كولىگىن شاقىرعان. ارىستاعى بولىمشەنىڭ فەلدشەرى تۋعانبايەۆا باستاعان مەديتسينا قىزمەتكەرلەرىنىڭ توبى وقيعا ورنىنا 15 مينۋتتا جەتىپ، 80 جاستاعى ايەل اۋرۋحانا دارىگەرلەرىنە تاپسىرىلدى.

«اسكەري ناريادتىڭ ۋاقتىلى ءارى جىلدام ارەكەتىنىڭ ارقاسىندا ادام قۇتقارىلدى»، - دەلىنگەن حابارلامادا.

ەسكە سالا كەتسەك، ارىس قالاسىنداعى اسكەري ءبولىمنىڭ قويماسىندا 24 -ماۋسىم كۇنى تاڭەرتەڭ جارىلىس بولدى. اپات سالدارىنان ءۇش ادام مەرت بولدى. 170 كە جۋىق ادام زارداپ شەكتى. 20 عا جۋىق ءۇي، 9 قورا-قوپسى جانىپ، دالالى اۋماقتا 14 وشاق تۇتاندى. ءۇي- جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى. ءبىرقاتار وڭىردە شۇعىل جەلىلەر قۇرىلدى.

تۇركىستان وبلىسىنا ارنايى بارعان قازاقستان پرەزيدەنتى قاسىم-جومارت توقايەۆ ارىستاعى اسكەري بولىمشەدەگى وق- ءدارى قويماسىنداعى جارىلىستان زارداپ شەككەن قالا تۇرعىندارىمەن كەزدەسىپ، قالانىڭ قالپىنا كەلتىرىلەتىنىنە ۋادە بەردى. سونداي-اق ەلباسى نۇرسۇلتان نازاربايەۆ ارىستاعى جاعدايعا الاڭداۋشىلىق ءبىلدىردى.

بۇگىنگى ۇكىمەت وتىرىسىندا پرەمەر-مينيستر اسقار مامين جارىلىس سالدارىنان كوز جۇمعانداردىڭ تۋعان-تۋىستارىنا كوڭىل ايتىپ، تۇرعىندارعا بارلىق كومەك كورسەتىلەتىنىن ايتتى.

ەۆاكۋاتسيالاۋ كەزىندە مىڭنان استام اتا-انا بالارىنان كوز جازىپ قالدى. قازىرگى ۋاقىتتا ولاردىڭ بارلىعى دا بالالارىمەن قاۋىشتى، بارلىعى ءدىن-امان.

فاكتى بويىنشا قىلمىستىق ءىس قوزعادى.

قالاداعى توتەنشە جاعداي جولاۋشىلار پويىزدارىنىڭ كەستەسىنە دە اسەر ەتتى.

25 -ماۋسىم، ساعات 12.00 دەگى جاعداي بويىنشا اسكەري ءبولىم اۋماعىندا جارىلىستار توقتادى. دەگەنمەن، وق-دارىلەر ساقتالاتىن قويمالاردىڭ اۋماعىندا بىقسىعان وتتىڭ وشاقتارى بايقالعاندىقتان، ق ر ىشكى ىستەر مينيسترلىگى جارىلىستاردىڭ قايتالانۋ قاۋپى ساقتالىپ وتىرعانىن ەسكەرتتى.

وسى ۋاقىتتا ق ر قورعانىس مينيسترلىگىنىڭ اسكەري-ينجەنەرلىك قىزمەتشىلەرى ارىس قالاسىن مينادان تازالاۋ جۇمىستارىن جۇرگىزىپ جاتىر. سناريادتاردىڭ دەنى تۇرعىن ءۇي القاپتارىنا تۇسكەن.

ارىس تۇرعىندارىنا كومەك قولىن سوزۋ ماقساتىندا ەلىمىزدە «ارىس، ءبىز بىرگەمىز» اكسياسى باستاۋ الدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات