تەرەزەدەن ارقان ارقىلى تۇسپەك بولعان 80 جاستاعى ايەل كوز جۇمدى

قوستاناي. قازاقپارات - قوستاناي قالاسىندا 80 جاستاعى اجەي كوپقاباتتى ۇيدەن ارقان ارقىلى تۇسپەك بولىپ، قۇلاپ كەتكەن، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، وقيعا وبلىس ورتالىعىندا بولعان.

«80 جاستاعى ايەل ۇلى ەكەۋى ءۇيدىڭ 4 قاباتىندا تۇرعان. سىرقاتتانىپ جۇرگەن ول دالاعا تەرەزە ارقىلى شىقپاق بولادى. كيىم- كەشەكتەردەن ارقان جاساپ، تومەنگە تۇسەدى. ارقان ءۇزىلىپ كەتىپ، ايەل كوز جۇمدى. بۇل ۋاقىتتا ۇلى جۇمىستارىمەن جۇرگەن»، - دەلىنگەن ۆەدومستۆونىڭ باسپا ءسوز حابارلاماسىندا.

پوليتسەيلەر كىسى ءولىمىنىڭ ناقتى سەبەپتەرىن جاريالاعان جوق. بۇل فاكت بويىنشا تەرگەۋ شارالارى جۇرگىزىلۋدە.