+7 (701) 759 90 19 Лента
15 °С : استانا
19 °С : الماتى
USD 378.93 EUR 423.00
RUB 5.87 CNY 54.82
جاڭالىقتار

الماتى وبلىسىندا 80 گە جۋىق جىلقى ۇرلاعاندار ۇستالدى

16 مامىر 08:41 212
:ءبولىسۋ
الماتى وبلىسىندا 80 گە جۋىق جىلقى ۇرلاعاندار ۇستالدى

تالدىقورعان. قازاقپارات - الماتى وبلىسىندا 80 گە جۋىق جىلقى ۇرلاعان باۋكەسپەلەر ۇستالدى. ولاردىڭ بۇگىندە 10 قىلمىسقا قاتىسى بار ەكەنى دالەلدەندى، دەپ حابارلايدى قازاقپارات ءتىلشىسى.

ءتورت ادامنان قۇرالعان قىلمىستىق توپ مۇشەلەرى 1978-1999-جىلى تۋعان اۋىل تۇرعىندارى. ولاردىڭ بىرەۋى بۇعان دەيىن دە سوتتالعانى انىقتالدى. ايتا كەتەيىك، كۇدىكتىلەر تەك جىلقى ۇرلاۋدى كاسىپ ەتكەن. ال ولاردى تالدىقورعان ماڭىندا پوليتسيانىڭ كريمينالدىق جەدەل توبى ۇستادى.

«ۇستالعان توپ بارىمتاشىلىقپەن 2018-جىلدان 2019-جىلدىڭ ءساۋىر ايىنا دەيىن اينالىسقان. ولار قارابۇلاق، كەربۇلاق اۋداندارىمەن تالدىقورعانداعى جىلقىلاردى ۇپتەپ كەتىپ وتىرعان. ءىس ماتەريالىنا سايكەس، وسى ارالىقتا ولار 80 گە جۋىق جىلقىنى ۇرلاعان. قازىر 40 تان استام جىلقى تابىلىپ، زاڭدى يەسىنە قايتارىلدى. سونداي-اق ولار ۇرلانعان مالدى جانە مالدىڭ ەتىن وتكىزگەن ادامداردىڭ كىم ەكەنى دە بەلگىلى بولدى»، - دەپ مالىمدەدى وبلىستىق پوليتسيا دەپارتامەنتىنىڭ باسپا ءسوز قىزمەتى.

قازىر دالەلدەنگەن فاكتىلەر بويىنشا شىعىن كولەمى 20 ميلليون تەڭگەدەن اسىپ كەتتى. پوليتسەيلەر كۇدىكتىلەردىڭ وزگە قىلمىستارعا قاتىسى بار-جوعىن انىقتاۋ ۇستىندە.

«قازىرگى تاڭدا 10 ەپيزود بويىنشا ۇرلىق فاكتىسى ءبىر وندىرىسكە بىرىكتىرىلەدى. سوتالدى تەرگەۋمەن وبلىستىق دەپارتامەنتتىڭ تەرگەۋشىلەرى اينالىسۋدا. سونداي-اق تەرگەۋ بارىسىندا ۇرلانعان مالداردى ساتىپ العانداردى جاۋاپقا تارتۋ جاعى دا قاراستىرىلادى»، دەپ تولىقتىردى ۆەدومستۆو وكىلدەرى.


باستى سوزدەر: زاڭ جانە قۇقىق , قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات