ناۋرىزدا 80 مىڭنان اسا تۇلەك ۇلتتىق ءبىرىڭعاي تەستىلەۋ تاپسىرادى
«رەسپۋبليكا بويىنشا ناۋرىز ايىندا وتكىزىلەتىن ۇلتتىق ءبىرىڭعاي تەستىلەۋگە ءوتىنىش قابىلداۋ 154 ۇ ب ت وتكىزۋ پۋنكتەرىندە جۇرگىزىلدى. ءوتىنىش قابىلداۋ وسى جىلدىڭ 1-15- اقپان ارالىعىندا جۇرگىزىلگەن ەدى»، - دەپ حابارلايدى ۇلتتىق تەستىلەۋ ورتالىعىنىڭ باسپا ءسوز قىزمەتىنەن.
ناۋرىز ايىنداعى ۇ ب ت- عا قاتىسۋعا 80042 وقۋشى نيەت بىلدىرگەن. ونىڭ ىشىندە 62678 ءى قازاق، 17086 ى ورىس، 278 ءى اعىلشىن تىلىندە تاپسىرادى.
«ۇ ب ت قازاقستان رەسپۋبليكاسى ءبىلىم جانە عىلىم ءمينيسترىنىڭ 2017-جىلعى 2-مامىرداعى 204№ بۇيرىعىمەن بەكىتىلگەن ۇلتتىق ءبىرىڭعاي تەستىلەۋدى وتكىزۋ قاعيدالارىنا سايكەس اعىمداعى جىلى 24-29- ناۋرىز ارالىعىندا وتكىزىلەدى. ۇ ب ت- عا وسى جىلى جالپى ءبىلىم بەرەتىن وقۋ باعدارلامالارىن مەڭگەرگەن ءبىلىم بەرۋ ۇيىمدارىنىڭ بىتىرۋشىلەرى قاتىسادى»، - دەلىنگەن حابارلامادا.
ەسكە سالا كەتسەك، ۇستىمىزدەگى جىلدىڭ 18-20- قاڭتار كۇندەرى وتكەن العاشقى ۇلتتىق ءبىرىڭعاي تەستىلەۋ وتكىزىلگەن بولاتىن. العاشقى ءبىلىم سىناعىنا ەلىمىز بويىنشا 34687 تالاپكەر قاتىستى. ونىڭ 9 ى مۇمكىندىگى شەكتەۋلى جان. قاتىسۋشىلاردىڭ ساناتىنا كەلسەك، 29789 ى 11 (12) سىنىپ وقۋشىلارى، 3268 ى شارتتى تۇردە تۇسكەندەر، 2781 ءى شىعارماشىلىق ماماندىقتان باسقا ماماندىققا اۋىسۋشىلار.
تەستىلەۋ سىناعىنا 35838 تالاپكەردەن ءوتىنىش ءتۇسىپ، ونىڭ 25615 قازاق تىلىندە، 10162 ورىس تىلىندە جانە 61 اعىلشىن تىلىندە تاپسىردى. قىسقى ۇ ت ب ناتيجەسىندە 24012 (%69) تۇلەك بەلگىلەنگەن شەكتى دەڭگەيدەن ءوتتى، ال 10675 (%31) ءتيىستى 50 بالدى جيناي المادى.