+7 (701) 759 90 19 Лента
24 °С : استانا
30 °С : الماتى
USD 340.27 EUR 396.31
RUB 5.39 CNY 52.39
جاڭالىقتار

قازاقستانعا جىل سايىن ەلدەن قاشقان 80 قىلمىسكەر قايتارىلادى - باس پروكۋراتۋرا

15 اقپان 13:19 327
:ءبولىسۋ
قازاقستانعا جىل سايىن ەلدەن قاشقان 80 قىلمىسكەر قايتارىلادى - باس پروكۋراتۋرا

استانا. قازاقپارات - قازاقستانعا جىل سايىن ەلدەن قاشىپ كەتكەن قىلمىسكەرلەردىڭ 80 ى قايتارىلادى.

بۇل تۋرالى پارلامەنت سەناتىنىڭ وتىرىسىندا باس پروكۋروردىڭ ورىنباسارى اندرەي لۋكين ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«جىل سايىن ءبىز الىس- جاقىن شەتەلدەردەن 80-گە جۋىق ازاماتتى قايتارىپ جاتىرمىز. وسىعان بايلانىستى جاسالعان قىلمىس ءۇشىن جازالاۋدىڭ بۇلتارتپاس بارلىق قاعيداتتارى قاراستىرىلادى. سونىمەن قاتار، بۇل (قىلمىسكەرلەردى تاپسىرۋ تۋرالى كەلىسىم - اۆت. ) اقپاراتتى الماسۋعا، ەسكەرتۋگە، قىلمىستىڭ الدىن الۋعا زور مۇمكىندىك بەرەدى»، - دەدى اندرەي لۋكين.

سونىمەن قاتار، باس پروكۋروردىڭ ورىنباسارى كەي كەزدە قىلمىس جاساعان ادامدى بەرۋدەن باس تارتۋ جاعدايلارى كەزدەسەتىنىن اتاپ ءوتتى.

«بۇل ەڭ الدىمەن ءبىزدىڭ مەملەكەتتىڭ وزگە ەلدەرمەن مەملەكەتارالىق كەلىسىمنىڭ جوقتىعىنا بايلانىستى بولىپ وتىر. سوندىقتان، بۇل جاعدايدا باس تارتىلىپ جاتادى»، - دەيدى ول.

سونىمەن قاتار، پروكۋراتۋرا وكىلى ناقتى مىسالداردى كەلتىردى.

«ەكى كۇن بۇرىن عانا چەرنوگوريامەن مەملەكەتارالىق كەلىسىم بولماسا دا، قازاقستانعا لەسوتا دەگەن ازامات قايتارىلدى. ول پەتروپاۆل قالاسىندا قىلمىس جاساعان. قازىر قازاقستانعا جەتكىزىلدى»، - دەيدى لۋكين.

 


:ءبولىسۋ
ونلاين قىزمەتكەرلەر
مۇراعات